ايماقتار • 19 قاراشا، 2021

قاراۋسىز مال – ۇرىعا ولجا

129 رەت كورسەتىلدى

تاياۋدا حرومتاۋ اۋدانىندا مال ۇرلىعىمەن اينالىسىپ جۇرگەن ەكى توپ ۇستالدى. قىلمىسقا كۇدىكتىلەر ەلسىزدە جايىلىپ جۇرگەن ءىرى قارا، جىلقىلاردى سويىپ، ەتتەرىن اقتوبە قالاسىندا وتكىزىپ وتىرعان. مال ۇرلىعىمەن اينالىسۋشىلار نەگىزىنەن ورىستە باقىلاۋسىز ­جا­يىلىپ جۇرگەن، يەلەرى ءجيى باقىلاي بەرمەيتىن سيىر، جىلقىلاردى ۇرلاپ كەلگەن.

كۇنى كەشە عانا اقجار اۋىلى­نىڭ تۇسىندا «ۆاز-21150» جەڭىل كولىگىمەن مال ۇرلاعان ءۇش ادام ۇستالدى. اۋىل شەتىنەن قۇيىنداي ۇيتقىپ اۆتوكولىك جولىنا شىققان جەڭىل كولىكتى بايقاپ قالعان اۋىل تۇرعىندارى ۋچاسكەلىك پوليتسەيمەن بىرگە قۋىپ جەتىپ، توقتاتقان. وبلىس ورتالىعىنا باراتىن تاسجولدا ۇستالعان كولىكتىڭ جۇك سالعى­شىنان قاپقا سالىنعان، جاڭا سو­يىل­عان ءىرى قارا ەتى تابىلدى. مال ەتىنە ۆەتەرينارلىق قۇجات تا جوق بولعاندىقتان ۋچاسكەلىك پوليتسەي دەرەۋ وبلىستىق پوليتسيا دەپار­تامەنتىنە حابارلاعان. كولىكتە بولعان ءۇش ەر ادام العا اۋدانىنىڭ تامدى ەلدى مەكەنىنىڭ تۇسىندا جا­يىلىپ جۇرگەن سيىرلاردىڭ ءبىرىن ۇستاپ الىپ، سويىپ ۇلگەرگەنىن جاسىرمادى. اقتوبەدەن جەتكەن جەدەل توپ مال ۇرلىعىمەن اينالىسقان ءۇش اقتوبەلىكتى تۇتقىنداپ، قىل­مىستىق كودەكستىڭ 188-1-بابى 2-تارماعىمەن، «مال ۇرلىعى» بو­يىنشا قىلمىستىق ءىس قوزعادى.

اقتوبە وبلىستىق پوليتسيا دەپار­تامەنتىنىڭ ماماندارى اۋىل تۇر­عىندارىنان كۇز كەزىندە مالدى ورىسكە باقىلاۋسىز جىبەرمەۋ­دى ەسكەرتەدى. ويتكەنى  جىل سايىن قا­راشا ايىندا مال ۇرلىعى كۇرت كوبەيسە، وعان اۋىل تۇرعىندارى­نىڭ مالدى باقىلاۋسىز جىبەرۋى دە سەبەپشى بولادى. ونىڭ ۇستىنە ۇلكەن اۆتوكولىك جولدارىنا شى­عىپ كەتكەن ءىرى قارا، جىلقىلاردى كو­لىك قاعىپ كەتكەن جاعدايلار دا ءجيى ۇشىراسىپ جاتادى.

حرومتاۋ اۋدانىندا باقىلاۋ­سىز جۇرگەن ءتورت ت ۇلىكتى يەلەرى تا­­­بىلعانشا قاماپ ۇستايتىن 15 الاڭ دايىندالدى. بۇل وسى جۇ­مىس­تى جۇيەلى جولعا قويماعان كەي­­بىر ەلدى مەكەن تۇرعىندارىن جا­­ۋاپ­كەرشىلىككە تارتۋدىڭ توتە جو­لى بولىپ تۇر. ويتكەنى وسىعان دە­يىن حرومتاۋ اۋداندىق ىشكى ىستەر ءبولىمىنىڭ قىزمەتكەرلەرى تۇر­عىن­دارعا مالدارىن باقىلاۋسىز جىبەر­مەۋدى بىرنەشە رەت ەسكەرتسە دە، كوپ­شىلىگى قۇلاق اسپاي كەلگەن بولا­تىن. ال وسى اۋداننىڭ مال باعۋ ءىسى جۇ­يەلى تۇردە ۇيىمداستىرىلعان  ءۇش ەلدى مەكەنىندە ۇرلىق تىركەلگەن جوق.

 

اقتوبە وبلىسى

سوڭعى جاڭالىقتار

دوستىق بەسىگى

ايماقتار • بۇگىن، 08:43

ەل كۋبوگى ءۇشىن تالاسادى

فۋتبول • بۇگىن، 08:40

شيرەك فينالدا ۇتىلدى

تەننيس • بۇگىن، 08:39

دايارلىقتارىن پىسىقتادى

حوككەي • بۇگىن، 08:37

ازىرگە بەسىنشى ورىندامىز

سپورت • بۇگىن، 08:30

ون جىلعا سوتتالدى

قوعام • بۇگىن، 08:25

41 جوباعا – 11،2 ملرد تەڭگە

ايماقتار • بۇگىن، 08:20

732،5 ملرد تەڭگە تارتىلادى

ايماقتار • بۇگىن، 08:15

ۇقساس جاڭالىقتار