مەملەكەت باسشىسى بۇل الاڭعا ۇلكەن كوڭىل بولەدى. ويتكەنى كەڭەستىڭ وتىرىسىنا ءوزى تىكەلەي توراعالىق ەتىپ كەلەدى. ۇلتتىق قوعامدىق سەنىم كەڭەسىنىڭ مۇشەلەرىمەن تىكەلەي بايلانىسا وتىرىپ, ولاردىڭ پىكىرلەرىن تىڭداپ, مەملەكەتتىك ورگانداردىڭ پىسىقتاۋىنا جىبەرەدى. كەڭەستىڭ التىنشى وتىرىسىندا پرەزيدەنت قازاقستاندا ىسكە اسىرىلىپ جاتقان بارلىق رەفورما ناقتى ناتيجەگە قول جەتكىزۋى ءتيىس ەكەنىن اتاپ ءوتتى.
ولاردىڭ كوبى ايماقتاردى دامىتۋمەن, ازاماتتاردى الەۋمەتتىك قولداۋمەن بايلانىستى. اتاپ ايتقاندا, اۋىل اكىمدەرىن سايلاۋدىڭ جاڭا تەتىكتەرى تۋرالى. اۋىل اكىمدىگىنە كانديداتتارعا قويىلاتىن جوعارى ءبىلىم تۋرالى تالاپتى قايتا قاراۋ ۇسىنىلدى. ءبىلىم بەرەتىن مەكەمەلەردە وقۋشىلار مەن مۇعالىمدەردىڭ قاۋىپسىزدىگىن قامتاماسىز ەتۋگە ارنالعان شارالار ءسوز بولدى.
«كەز كەلگەن ادامنىڭ باسەكەگە قابىلەتى ونىڭ ءبىلىم دەڭگەيىنە تىكەلەي بايلانىستى. ءاربىر ازاماتتىڭ ءومىر بويى ساپالى ءبىلىم الۋىنا قاجەت جاعداي جاساۋ – مەملەكەتتىڭ مىندەتى. مەكتەپتەردە, كوللەدجدەر مەن جوعارى وقۋ ورىندارىندا قاۋىپسىزدىكتى ساقتاۋ وزەكتى ماسەلە بولىپ تۇر. ءبىز وقۋشىلار مەن ستۋدەنتتەردى كەز كەلگەن قاۋىپ-قاتەردەن قورعاۋعا ءتيىسپىز. ءبىلىم بەرۋ مەكەمەلەرىندەگى قاۋىپسىزدىك جۇيەسىنە بىرىڭعاي تالاپ قويىلۋى قاجەت. سول ءۇشىن بارىنە ورتاق ەرەجە ازىرلەۋ كەرەك», دەدى مەملەكەت باسشىسى قاسىم-جومارت توقاەۆ.
سونىمەن قاتار مەملەكەتتىك ءبىلىم گرانتتارىن ءبولۋدىڭ جاڭا جۇيەسى تۋرالى ماسەلەنى قاراۋ ۇسىنىلدى. بۇل جوعارى وقۋ ورىندارى اراسىنداعى باسەكەلەستىكتى ارتتىرۋعا ءتيىس. تسيفرلاندىرۋمەن بايلانىستى ماسەلەلەر دە ايتىلدى. مەملەكەت باسشىسى بۇل نەگىزگى باسىمدىقتاردىڭ ءبىرى ەكەنىن اتادى. جۇيەلى تسيفرلاندىرۋ حالىقتىڭ ءومىر ءسۇرۋ ساپاسىن جانە مەملەكەتتىك قىزمەتتەردى ۇسىنۋ جەدەلدىگىن ايتارلىقتاي جاقسارتۋعا مۇمكىندىك بەرەدى.
ماكسيم سپوتكاي,
ۇلتتىق قوعامدىق سەنىم
كەڭەسىنىڭ مۇشەسى
