«بيىل ەكونوميكامىزدىڭ قالپىنا كەلتىرۋ ءوسىمى ءجۇرىپ جاتىر. توعىز ايدا ءجىو ءوسىمى 3,4%-دى, ال ناقتى سەكتورداعى ءوسىم 3,5%-دى قۇرادى. بىراق ءبىز پاندەمياعا بايلانىستى وتكەن جىلدىڭ تومەنگى بازاسى اياسىندا وڭ ديناميكا قالىپتاسقانىن تۇسىنەمىز. 2022 جىلى ەكونوميكانىڭ 3,9%-عا ءوسۋى بولجانىپ وتىر. الايدا, مۇنداي ءوسىمدى قامتاماسىز ەتۋ ءۇشىن ءتيىستى بيۋدجەتتىك ينۆەستيتسيالار قاجەت. كولىك جانە كوممۋنيكاتسيا, اۋىل شارۋاشىلىعى سياقتى جەكەلەگەن توپتار بويىنشا اعىمداعى جىلمەن سالىستىرعاندا شىعىنداردىڭ قىسقارۋى بايقالادى. 2022 جىلى ءبىزدىڭ ەكونوميكامىزدىڭ بولجامدى وسۋىنە شيكىزاتتىق ەمەس ناقتى سەكتوردىڭ ۇلەسى قانداي؟ ۇكىمەت ەل ەكونوميكاسىنىڭ تۇراقتى دامۋى ءۇشىن جاعدايدى قالاي جانە قانداي سەكتورلار ەسەبىنەن قامتاماسىز ەتۋدى جوسپارلاپ وتىر؟», دەگەن ساۋال قويدى داۋرەن ادىلبەكوۆ سەناتتىڭ جالپى وتىرىسىندا.
ءوز كەزەگىندە قر پرەمەر-ءمينيسترى اسقار مامين وڭ ديناميكا وتكەن جىلى بەرىلگەنىن مالىمدەدى.
«وتكەن جىلى پاندەمياعا قاراماستان, ەكونوميكاداعى داعدارىستىق قۇبىلىستارعا قاراماستان, ناقتى سەكتوردىڭ نەگىزگى سالالارى بويىنشا جوعارى ءوسۋ قارقىنى بولدى. بۇل ديناميكا بيىل دا ساقتالىپ وتىر. ءبىز ناقتى سەكتور ۇلتتىق ەكونوميكا تۇراقتىلىعىنىڭ, ۇلتتىق ەكونوميكانىڭ باسەكەگە قابىلەتتىلىگىنىڭ فاكتورىنا اينالدى دەپ ايتامىز. وسى جىلى وڭدەلگەن تاۋارلار ەكسپورتى 25,5%-عا ءوستى. ياعني, بۇل ءبىزدىڭ تاۋارلارىمىزدىڭ سىرتقى نارىقتاردا سۇرانىسقا يە ەكەندىگىن بىلدىرەدى. جالپى, بيىلعى جىلى ەكسپورت 20%-عا ءوستى», دەپ اتاپ ءوتتى پرەمەر-مينيستر.
