ءوڭىردىڭ 34 مەكتەبىندە 43 سىنىپ قاشىقتان وقىتۋ فورماتىنا اۋىستىرىلدى. ال وتكەن تاۋلىكتە تاعى ءتورت جاسوسپىرىمدە ينفەكتسيا انىقتالدى.
سانيتارلىق-ەپيدەميولوگيالىق باقىلاۋ دەپارتامەنتىنىڭ اقپاراتى بويىنشا, وتكەن جىلمەن سالىستىرعاندا 14 جاسقا دەيىنگى بالالار اراسىندا اۋرۋ 18 ەسەگە, 15-تەن 17 جاسقا دەيىن 25 ەسەگە ءوستى.
«بۇگىنگى تاڭدا اۋرۋدىڭ ءوسۋىن تەك ۆاكتسيناتسيا ازايتا الادى, بۇل تيىمدىلىگىن بىرنەشە رەت دالەلدەدى. جاقىندا اقمولا وبلىسىنا Pfizer/BioNTech ۆاكتسيناسى اكەلىنەدى. اۋداندارعا ۆاكتسينالاردى مەديتسينالىق ۇيىمدار بويىنشا ساقتاۋ, تاسىمالداۋ بويىنشا نۇسقاۋلىقتار, سونداي-اق ازاماتتاردى ۆاكتسيناتسيالاۋ ءتارتىبى بەرىلدى», دەپ حابارلادى ۆەدومستۆودان.
دۇنيەجۇزىلىك دەنساۋلىق ساقتاۋ ۇيىمى ماقۇلداعان پرەپاراتتى ۆاكتسيناتسيالاۋمەن بارلىعى 66 مىڭنان استام ادام قامتىلاتىن بولادى, ونىڭ ىشىندە بالالار مەن جاسوسپىرىمدەر – 47 مىڭ, جۇكتى ايەلدەر – 8,3 مىڭ, لاكتاتسيا كەزەڭىندە ايەلدەر – 10,8 مىڭ.
وبلىستىڭ باس پەداگوگى بەيبىت ءجۇسىپوۆ اتاپ وتكەندەي, بالالاردى ۆاكتسيناتسيالاۋ اتا-انالاردىڭ كەلىسىمىمەن عانا جۇرگىزىلەدى.
«ۆاكتسيناتسيا اتا-انالاردىڭ نەمەسە ولاردىڭ زاڭدى وكىلدەرىنىڭ ەرىكتى اقپاراتتىق جازباشا كەلىسىمىنەن كەيىن وبلىستىڭ ءبىلىم بەرۋ ۇيىمدارىندا جانە ەگۋ پۋنكتتەرى جەلىسىندە جۇرگىزىلەتىن بولادى, دەدى ول.
ايتا كەتسەك, وڭىرگە ۋلترا تومەن تەمپەراتۋرالىق رەجيمدى قولدايتىن 2 مۇزداتقىش كامەراسى كەلىپ ءتۇستى. ۆاكتسينالاردى تاسىمالداۋعا 2 اۆتورەفريجەراتور تارتىلعان. جاقىندا ۆاكتسينانىڭ 35 100 دوزاسى جەتكىزىلەدى دەپ كۇتىلۋدە.
