جول كولىك وقيعاسى تۋرالى الماتى وبلىستىق پوليتسيا دەپارتامەنتى حابارلادى. دەپارتامەنت تاراتقان مالىمەتكە سەنسەك, اپات تاڭعى ساعات 08:00 شاماسىندا بولعان.
«الماتى-وسكەمەن تاس جولىنىڭ 223-شاقىرىمىندا, كوكسۋ اۋدانىنىڭ اۋماعىندا بولعان جول اپاتىنىڭ زاردابى اۋىر. بولجامعا ساي, «Hyundai Accent» كولىگىنىڭ 30 جاستاعى جۇرگىزۋشىسى سولتۇستىك باعىتپەن كەلە جاتقان. ول رۋلگە يە بولا الماي, شىعىس باعىتتاعى جول جيەگىنە شىققان. وسىلايشا ارىققا اۋدارىلعان. سالدارىنان 30 جاستاعى كولىك جۇرگىزۋشىسى مەن 28 جاستاعى جولاۋشى وقيعا ورنىندا كوز جۇمدى», دەلىنگەن حابارلامادا.
اتالعان فاكتى بويىنشا قر قك 345-بابى 4-بولىگىنە سايكەس تەرگەۋ امالدارى جۇرگىزىلىپ جاتىر.
