سالا جۇمىسى سارالاندى

كەشە پرەمەر-مينيستر سەرىك احمەتوۆتىڭ قاتىسۋىمەن «قازمۇنايگاز» ۇك» اق-تىڭ كەڭەيتىلگەن القا ءماجىلىسى بولدى. ونىڭ جۇمىسىنا پارلامەنتتىڭ دەپۋتاتتارى, ۇكىمەت مۇشەلەرى, ەلىمىزدەگى ءىرى كومپانيالاردىڭ باسشىلارى, سونداي-اق, پرەزيدەنت اكىمشىلىگى مەن پرەمەر-مينيستر كەڭسەسىنىڭ جاۋاپتى قىزمەتكەرلەرى قاتىستى. ماجىلىستە «قازمۇنايگاز» ۇك» اق-تىڭ باسقارما توراعاسى ساۋات مىڭباەۆ وتكەن جىلى اتقارىلعان جۇمىستاردىڭ قورىتىندىلارى تۋرالى بايانداپ, اعىمداعى جىلعا جوسپارلانعان جوبالار مەن ورىندالۋعا ءتيىس مىندەتتەر تۋرالى اڭگىمەلەدى. توراعانىڭ سوزىنە قاراعاندا, قازمۇنايگازدىڭ كومپانيالار توبى وتكەن جىلدىڭ جوس­پارلارىن نەگىزىنەن ارتىعىمەن ورىنداعان. اتاپ ايتقاندا, قو­رى­تىندىلارعا زەر سالساق, مۇ­ناي مەن مۇناي كوندەنساتىن ءون­دىرۋ كولەمى 22,6 ملن. توننانى قۇراپ, بۇرناعى جىلمەن سالىس­تىرا قاراعاندا 6 پايىزعا جۋىق وسكەنى بايقالادى. ال گاز ءوندىرۋ 2,929 ملرد. تەكشە مەترگە جەتىپ, جالپى ءوسىم 12 پايىزدى قۇراپتى. سالادا اتقارىلىپ جاتقان جۇمىستاردى سارالاعان توراعا اتقارىلار جۇمىستار تۋرالى ايتتى. «قازمۇنايگاز» كومپانياسىنىڭ بۇرعىلاۋ جانە سەرۆيس سالاسىنداعى بارلىق جەكە اكتيۆتەرى بازاسىندا «قمگ drilling and service» بىرلەسكەن كومپانياسى قۇرىلادى. ول بەس كومپانيانى بىرىكتىرەدى. بۇل جۇمىستى قىسقا مەرزىمدە اياقتاۋ قاجەت. بۇگىندە بۇل كومپانيالاردىڭ تەحنولوگيالىق دەڭگەيى ءارتۇرلى. بىزدە سەرۆيس سالاسىندا ويلاس­تىرىلعان جانە ۇيلەستىرىلگەن سايا­سات جوق. دەگەنمەن, مۇنى تۇزەتۋ ءۇشىن جاڭا ەشتەڭە ويلاپ تابۋ كەرەك ەمەس», دەدى س.مىڭباەۆ. بايانداماشى جۇمىسشى-قىز­مەتكەرلەردىڭ جالاقىسى تۋرالى دا مالىمەت بەرە كەتتى. «بيىلعى جىلى ءبىز ەڭبەكاقى تولەۋدىڭ بىرىڭعاي جۇيەسىن ەنگىزۋدى اياقتاۋدى جوس­پارلاپ وتىرمىز. ءساۋىر ايىنىڭ سوڭىنا دەيىن بارلاۋ جانە ءوندىرۋ سالاسىنداعى كومپانيالاردا جانە سەرۆيستىك كاسىپورىنداردا وسى جۇيەنى ەنگىزەمىز. جىلدىڭ سوڭىنا دەيىن بىرىڭعاي جۇيە وزگە بيزنەس باعىتتار بويىنشا, ماسەلەن, تاسىمالداۋ, وڭدەۋمەن اينالىساتىن كومپانيالاردا جۇمىس ىستەي باستايدى», دەپ جالعادى ول ءسوزىن.   وسى ارادا كومپانيا بىلتىر الەۋمەتتىك, دەمەۋشىلىك جانە قايى­رىمدىلىق شارالارعا 23 ملرد. تەڭگە جۇمساعانىن تىلگە تيەك ەتتى. القا ماجىلىسىندە «قاز­مۇ­ناي­گاز» بارلاۋ ءوندىرۋ» اق باس ديرەك­تورى ا.نۇرسەيىتوۆ, باس­قار­ما توراعا­سىنىڭ ورىنباسارى د.تيەسوۆ پەن ق.قابىلدين ءسوز ءسوي­لەپ, سالاداعى جۇ­مىستاردىڭ ينە-ءجىبىن ساباقتاپ بەردى. بايانداماشىلاردى مۇقيات تىڭ­­داعان ۇكىمەت باسشىسى «قاز­مۇ­نايگاز» ۇك» اق-تا اتقارىلعان جۇ­مىس­تارعا باعا بەرە كەلىپ, جىل قورى­تىندىسىنا تولىق قاناعات­تانعانىن جەتكىزدى. ءسويتىپ, ەل­باسى نۇرسۇلتان نازارباەۆتىڭ «قازاقستاننىڭ مۇ­ناي-گاز كەشەنى بارلىق ەكونوميكا ءۇشىن كوشباسشى بولىپ تابىلادى جانە باسقا سالالاردىڭ دامۋىنا ىقپال ەتەدى» دەگەن ءسوزىن ەسكە سالدى. مەملەكەت باسشىسىنىڭ سا­لاعا جۇكتەپ وتىرعان مىندەتتەرىنە توقتالدى. «مەملەكەت باسشىسىنىڭ تاپسىرماسىنا سايكەس كومپانيا ۇيىمداستىرۋشىلىق قۇرىلىمدى جەتiلدiرۋ جۇمىستارىن قولعا الىپ وتىر. ول كورپوراتيۆتiك باسقارۋدىڭ ەڭ سوڭعى زاماناۋي حالىقارالىق ستاندارتتارى جاۋاپ بەرۋi تيiس. بۇل جۇمىستى اياقتاۋ قاجەت. جالپى ال­عاندا نەگiزگi جۇمىس جۇرگiزiلگەن. كوم­پانيا جاڭا قۇرىلىم بويىنشا جۇ­مىس iستەپ جاتىر. وسى جىلدىڭ شiل­دە ايىنا دەيiن بۇل جۇمىستى اياقتاۋ كەرەك», دەدi س.احمەتوۆ. ايتقانداي-اق, پرەمەر-مينيستر ءماجىلىس بارىسىندا حالىقتىق ءىرو-عا دا باسا نازار اۋداردى. سەبەبى, جا­قىن ۋاقىتتا «قازمۇنايگاز» كومپانيالارىنىڭ حالىقتىق Iرو-عا شىعۋ ماسەلەسi قارالماق ەكەن. «امە­ريكادا ءاربiر ازامات تاڭ اتىسىمەن گازەت ساتىپ الىپ, ءوزiنiڭ اكتسيا­لارىنىڭ قانشالىقتى وسكەنiن نەمەسە تومەندەگەنiن باقى­لاپ وتىرادى. بiز دە بۇل دەڭگەي­گە جەتۋىمiز قاجەت. بiز ەندi Iرو-عا كەگوك سەكىلدى باس­قا دا كومپانيالارىمىزدىڭ شى­عۋىن قاراستىراتىن بولامىز. «قاز­مۇ­نايگازدا» دا حالىقتىق Iرو-عا شىعۋى تيiس كومپانيالار بار. ونى قاراستىرۋىمىز كەرەك», دەدi ۇكiمەت باسشىسى. سون­داي-اق, پرەمەر-مينيستر سالا­داعى تەحنيكالىق مامانداردى دايىنداۋ شاراسىن دا تەرمەلەپ, ساپالى كادر ماسەلەسىن تەزىرەك شەشۋ كەرەكتىگىن العا تارتتى. وعان قوسا, ينۆەستورلارعا قاراتا, قازاقستان شيكىزاتىن زاماناۋي وزىق تەحنولوگيالارعا باسقا-باس الماسۋعا دايىن ەكەنىن ايتتى. سالاداعى گەولوگيالىق بارلاۋ جۇمىستارىنا كوڭىل اۋدارعان ۇكىمەت باسشىسى, مۇناي جانە گاز مينيسترلىگىمەن بىرگە سالانىڭ ينۆەس­تي­تسيالىق تارتىمدىلىعىن ارتتىرۋ تۋرالى ۇسىنىس ازىرلەۋدى تاپسىردى. مۇنىمەن قاتار, يننو­ۆا­تسيالىق تەحنولوگيالاردى ەنگىزۋ كەرەكتىگىن ايتتى. ءسويتىپ, ەندى وڭاي مۇناي ءداۋىرى اياقتالعانىن ەسكەرتىپ, دامىعان ەلدەردىڭ وزىق تاجىريبەلەرىن ۇيرەنۋ كەزەك كۇت­تىرمەيتىن ءىس ەكەنىن تىلگە تيەك ەتتى. وعان قوسا, ۇكىمەت باسشى­سى «قازمۇنايگاز» عالامات جوبا­لار­دى ىسكە اسىرا وتىرىپ, الەمنىڭ جە­تەكشى مۇناي-گاز كوم­پا­نيا­لارىنىڭ قاتارىنا قوسىلا الاتىنىنا سەنىم ءبىلدىردى. وتاندىق مۇناي-گاز كوم­پا­نيا­­لارىنىڭ الداعى مىندەتتەرىن بەل­گىلەپ بەرگەن س.احمەتوۆ, جۇ­مىس­تا­رىنا تابىس تىلەدى. ءسويتىپ, مەم­لەكەت باسشىسىنىڭ تاپسىرمالارى مەن الدىن الا جاسالعان جوبا-جوسپارلار مۇلتىكسىز ورىندالۋى ءتيىس ەكەنىن ايتتى. نۇرباي ەلمۇراتوۆ, «ەگەمەن قازاقستان».