«ەگەر قارىز الۋشىنىڭ ساتىلعان مۇلكى نەگىزگى بورىش سوماسىن جاپپاعان جاعدايدا, ونىڭ قالعان بەرەشەگى ەسەپتەن شىعارىلۋى ءتيىس. بىراق بۇل بورىشكەردىڭ باسقا مۇلكى جوق جانە ونىڭ تابىسى ەڭ تومەنگى جالاقىنىڭ ەكى ەسەلەنگەن مولشەرىنەن اسپاعان جاعدايدا عانا مۇمكىن بولا الادى», دەدى قاسىم-جومارت توقاەۆ ۇلتتىق قوعامدىق سەنىم كەڭەسىنىڭ VI وتىرىسىندا.
مەملەكەت باسشىسىنىڭ ايتۋىنشا, اۋكتسيوندىق ساۋدا-ساتتىقتىڭ اشىقتىعى مەن ادىلدىگىن قامتاماسىز ەتۋ تالاپ ەتىلەدى.
«اۋكتسيوندىق ساۋدا-ساتتىققا قويىلعان كەپىلگە سالىنعان م ۇلىك ونىڭ باعالاۋ قۇنىنىڭ 70%-نان تومەن قويىلماۋعا ءتيىس. سونىمەن بىرگە, مۇنداي ساۋدا-ساتتىققا كەپىل ۇستاۋشىلارعا - بانكتەرگە, سونداي-اق ولارمەن اففيليرلەنگەن ولاردىڭ قىزمەتكەرلەرىنە جانە سەنىم بىلدىرىلگەن ادامدارعا جول بەرۋگە بولمايدى, بورىشكەردىڭ جانە ونىڭ جاقىن تۋىستارىنىڭ ساۋدا-ساتتىققا ءبىر مەزگىلدە قاتىسۋىن بولدىرماۋ قاجەت», دەپ تۇيىندەدى پرەزيدەنت.
