«اۋىل اكىمدەرىن تىكەلەي سايلاۋ تەتىگىن جەتىلدىرۋگە باعىتتالعان ناقتى ۇسىنىستارى بار ارنايى بايانداما ۇسىنىلدى. ۇلتتىق كەڭەستىڭ رەفورمالاردى ۇسىنىپ قانا قويماي, ولاردى جان-جاقتى تالداپ, قاجەتتى تۇزەتۋلەر ەنگىزۋى ماڭىزدى. كەيبىر تولىقتىرۋلارعا بولەك توقتالعىم كەلەدى. كەڭەس مۇشەلەرى الەكساندر دانيلوۆ, گۇلميرا يليەوۆا, مارات شيبۇتوۆ ارنايى ورتا ءبىلىمى بار ازاماتتارعا اۋىل اكىمدەرى لاۋازىمىنا ۇسىنىلۋعا مۇمكىندىك بەرەتىن نورمانى بەكىتۋدى ۇسىندى», دەدى قاسىم-جومارت توقاەۆ ۇلتتىق قوعامدىق سەنىم كەڭەستىڭ VI وتىرىسىندا.
پرەزيدەنتتىڭ پىكىرىنشە, مۇنداي جاڭاشىلدىق جەرگىلىكتى دەڭگەيدە تاڭداۋ باسەكەلەستىگىن كۇشەيتەدى.
«تاجىريبە كورسەتىپ وتىرعانداي, اكىمدىككە ۇمىتكەرلەر ءۇشىن, اسىرەسە ءوزىن-ءوزى جىلجىتۋشىلار ءۇشىن ۇگىت-ناسيحات كومپانياسىنىڭ كەزەڭىن ۇلعايتۋ وزەكتى بولىپ تابىلادى. وسىعان بايلانىستى ونىڭ مەرزىمدەرىن تۇزەتۋ مۇمكىندىگىن قاراستىرعان ءجون. سونىمەن قاتار, سايلاۋ ناۋقاندارىن قارجىلاندىرۋ كەزىندە سارالانعان ءتاسىلدى قولدانۋ ۇسىنىلادى», دەدى مەملەكەت باسشىسى.
«اتالعان ۇسىنىستار اۋىل اكىمدەرىن سايلاۋ تەتىكتەرىن جاقسارتۋعا باعىتتالعان دەپ ەسەپتەيمىن. سوندىقتان ولاردى ەگجەي-تەگجەيلى زەرتتەۋ كەرەك. پرەزيدەنت اكىمشىلىگىنە ناقتى ۇسىنىستار ازىرلەپ, ەنگىزۋدى تاپسىرامىن», دەپ تۇيىندەدى ق.توقاەۆ.
