Daily Mail باسىلىمىنىڭ حابارلاۋىنشا, يۋگوسلاۆ يوۆانوۆيچ, الەسساندرو مالتەسە جانە الەسساندرو دوناتي ۇلىبريتانيا تاريحىنداعى ەڭ ءىرى توناۋ ارەكەتىن ۇيىمداستىرىپ, اتاقتى ادامداردىڭ ۇيلەرىنەن ميلليونداعان فۋنت اقشا, زەرگەرلىك بۇيىمدار مەن اسىل تاستاردى ۇرلاعانى ءۇشىن يسلەۆورت سوتىندا 28 جىلعا باس بوستاندىعىنان ايىرىلدى.
يوۆانوۆيچ, مالتا جانە دوناتي يتاليادان ەكستراديتسيالاندى جانە 2019 جىلدىڭ 29 قاراشاسى مەن 18 جەلتوقسانى ارالىعىندا ءۇش توناۋعا قاتىستى كىناسىن مويىندادى. قارۋلى پوليتسيا كۇزەتپەن تىكۇشاقتىڭ سۇيەمەلدەۋىمەن سوتقا جەتكىزىلگەن ەر ادامدار ۇلىبريتانيادا قىلمىستىق سوت ءىسىن جۇرگىزگەننەن كەيىن جازاسىن وتەۋ ءۇشىن يتالياعا ورالادى.
قاراقشىلار قىلمىس ورنىندا ساۋساق ىزدەرىن نەمەسە دنق ۇلگىلەرىن قالدىرماعان, سوندىقتان پوليتسيا ولاردى «ەلەستەردىڭ توبى» دەپ اتاعان. پوليتسەيلەر 1000-نان استام تاكسي جۇرگىزۋشىسىنەن سۇحبات العاننان كەيىن عانا قىلمىسكەرلەردىڭ ىزىنە تۇسە الدى.
