ەستەرىڭىزگە سالا كەتەيىك, 1 قاراشادا ماگيستراتۋراعا ءتۇسۋ ءۇشىن ەكىنشى كەشەندى تەستىلەۋگە جانە دوكتورانتۋراعا ءتۇسۋ ەمتيحاندارىنا قۇجاتتار قابىلداۋ باستالعانى تۋرالى جاريالانعان بولاتىن. قازاقستاندىقتاردىڭ وتىنىشتەرىن ەسكەرە وتىرىپ, ەندى كەشەندى تەستىلەۋگە قاتىسۋ ءۇشىن ءوتىنىم بەرۋ مەرزىمى تاعى ءۇش كۇنگە ۇزارتىلدى.
بۇعان دەيىن ءبىلىم جانە عىلىم ءمينيسترى اسحات ايماعامبەتوۆ الەۋمەتتىك جەلىدەگى پاراقشالارىندا ماگيستراتۋرا مەن دوكتورانتۋراعا قابىلداۋ جىلىنا ەكى رەت, ياعني ءداستۇرلى تۇردە جازدا جانە قوسىمشا قىستا وتەتىنىن حابارلاعان بولاتىن.
«مينيسترلىك ستۋدەنتتەردىڭ مۇددەلەرىن ارقاشان ءبىرىنشى ورىنعا قويادى. سوندىقتان مينيستر وقۋعا ءتۇسۋ ءۇشىن تاعى ءبىر مۇمكىندىك بەرۋ تۋرالى شەشىم قابىلدادى. تەستتەردى ءساتتى تاپسىرعان جاعدايدا ۇمىتكەرلەر جازعى قابىلداۋ قورىتىندىسى بويىنشا ارتىق قالعان گرانتتاردى ۇتىپ الا الادى», دەپ اتاپ ءوتتى ءبىلىم جانە عىلىم ۆيتسە-ءمينيسترى قۋانىش ەرعاليەۆ.
ەستەرىڭىزگە سالا كەتەيىك, ماگيستراتۋراعا ەكىنشى كەشەندى تەستىلەۋگە جانە دوكتورانتۋراعا ءتۇسۋ ەمتيحاندارىنا قاتىسۋ ءۇشىن تىركەلۋ قر بعم ۇلتتىق تەستىلەۋ ورتالىعىنىڭ app.testcenter.kz سايتى ارقىلى جۇرگىزىلەدى.
ماگيستراتۋراعا كەشەندى تەستىلەۋ جانە دوكتورانتۋراعا ءتۇسۋ ەمتيحاندارى 2021 جىلعى 19 قاراشا باستالىپ, 11 جەلتوقسانعا دەيىن جالعاسادى. ءبىلىم بەرۋ گرانتتارىن تاعايىنداۋ كونكۋرسىنا قاتىسۋ ءۇشىن قۇجاتتار 2021 جىلعى 25 جەلتوقسانعا دەيىن قابىلدانادى.
وقۋعا قابىلداۋ 2021 جىلدىڭ 26 جەلتوقسانى مەن 2022 جىلدىڭ 10 قاڭتارى ارالىعىندا جۇرگىزىلەدى.
