وبلىستىق پد ءباسپاسوز قىزمەتىنىڭ مالىمەتىنشە, بيىلعى قاراشانىڭ 12-دە كەشكى ساعات 21:00 شاماسىندا اقكول اۋداندىق پوليتسيا بولىمىنە 55209 اسكەري ءبولىمىنىڭ قىزمەتكەرى حابارلاسقان. ول مەرزىمدى قىزمەتىن وتۋگە كەلگەن 21 جاستاعى ساربازدىڭ بولىمدە جوقتىعىن ايتقان.
اسكەري ءبولىم قىزمەتكەرىنىڭ ايتۋىنشا, جوعالعان سارباز د.ف.ارتىقباەۆ 2021 جىلدىڭ 4 قاراشاسىندا تۇركىستان وبلىسىنان مەرزىمدى قىزمەتىن وتەۋگە كەلگەن. قاراشانىڭ 12-دە كەشكى ساعات 19:30 تەكسەرۋ كەزىندە ول ءبولىمدى ءوز ەركىمەن تاستاپ كەتكەن.
«جوعالعان ساربازدى ىزدەۋگە اسكەري ءبولىمنىڭ جەكە قۇرامىنان ىزدەۋ توبى قۇرىلدى. سونىمەن بىرگە, اقمولا وبلىستىق پد اۋداندىق پوليتسيا بولىمشەلەرى, اقكول اۋداندىق پب جەكە قۇرامى, سونداي-اق, جەلىلىك پوليتسيا ءپاترۋلى مەن قوعام وكىلدەرى جۇمىلدىرىلدى», دەدى ۆەدومستۆونىڭ ءباسپاسوز قىزمەتى. قازىرگى كەزدە جوعالعان ساربازدىڭ قايدا ەكەنى بەلگىسىز, ىزدەۋ جۇمىسى جالعاسىپ جاتىر.
