اقتوبەدە وبلىستىق سوت قىزمەتكەرىنە كۇدىك كەلتىرىلدى

جۋىردا استانادا وتكەن سۋديالاردىڭ سەزىنە قاتىستى اقتوبە وبلىسىندا داۋ شىقتى. بۇل تۋرالى «جەتىنشى ارنا» حابارلادى. اقتوبە وبلىستىق سوتىنىڭ كەڭسە قىزمەتكەرى قايسار اسقاروۆ سۋديالاردىڭ ەلورداعا بارىپ-قايتۋىنا ارنالعان قاراجاتىن «جەپ قويعان» كورىنەدى. ارىپتەستەرىنىڭ ايتۋىنشا, ول بيۋدجەتتەن بولىنگەن 1 ملن.تەڭگەدەن اسا قارجىنى ءوز قاجەتىنە جاراتقان. سوسىن تانىس كاسىپكەردەن قارىز الىپ تولەۋگە ءماجبۇر بولىپتى. وسىعان وراي, ونىمەن بىرگە قىزمەت ىستەيتىن ازاماتتار كەڭسە قىزمەتكەرىن «الاياقتىق جاسادى» دەپ ايىپتاپ وتىر. بۇل ۋاجگە دالەل رەتىندە ق. اسقاروۆتىڭ كاسىپكەردەن قارىز العان قولحاتى بار. «ق. اسقاروۆتىڭ الاياقتىق ارەكەتىنە بايلانىستى قىلمىستىق ءىس قوزعالدى. قازىرگى كەزدە بۇل ازامات سوت جۇيەسىندە قىزمەت اتقارمايدى», - دەيدى وبلىستىق سوتتىڭ ءباسپاسوز حاتشىسى گۇلزيا ماقساتقىزى. ءامىرحان الماعانبەتوۆ. دەرەككوز: «جەتىنشى ارنا». فوتو: Oksh.kz.