كەزدەسۋ بارىسىندا ەكى ەلدىڭ باسشىلارى ساۋدا-ەكونوميكالىق, ينۆەستيتسيالىق, مادەني-گۋمانيتارلىق سالالارداعى قازاق-ماجار ىنتىماقتاستىعىنىڭ دامۋ پەرسپەكتيۆالارىن تالقىلادى. پاندەمياعا قارسى كۇرەس شارالارى مەن كليماتتىڭ وزگەرۋىنە قاتىستى ماسەلەلەر قوزعالدى. سونداي-اق ولار ايماقتىق كۇن تارتىبىندەگى وزەكتى ماسەلەلەر, ونىڭ ىشىندە اۋعانستانداعى جاعداي جونىندە پىكىر الماستى.
«قاسىم-جومارت توقاەۆ ۆيكتور وربانعا ءىلتيپات ءبىلدىرىپ, قازاقستان مەن ماجارستان اراسىنداعى ەكىجاقتى قاتىناستاردىڭ دامۋىن جوعارى باعالادى جانە ءارتۇرلى دەڭگەيدەگى ءوزارا بايلانىستاردىڭ قارقىندى دامىپ كەلە جاتقانىن اتاپ ءوتتى. قازاقستاندا ماجارستاندى جاقسى بىلەدى جانە وعان قۇرمەتپەن قارايدى. ءبىزدىڭ ورتالىق ەۋروپاداعى العاشقى ەلشىلىگىمىز بۋداپەشت قالاسىندا اشىلدى. ىنتىماقتاستىعىمىزدىڭ الەۋەتى زور. سوندىقتان ءبىزدىڭ ورتاق مىندەتىمىز ۆەدومستۆولارىمىز بەن ۇكىمەتتەرىمىزدى العا ۇمتىلۋعا, ونىڭ ىشىندە ەكونوميكا باعىتىندا ىلگەرىلەۋگە, سونداي-اق بۇۇ جانە ەقىۇ سياقتى حالىقارالىق ۇيىمدار اياسىندا ىقپالداستىق جاساۋعا ىنتالاندىرۋ دەپ ويلايمىن», دەدى مەملەكەت باسشىسى.
ءوز كەزەگىندە ماجارستاننىڭ پرەمەر-ءمينيسترى ەكى ەل حالىقتارىنىڭ تاريحي تىعىز بايلانىستارىن اتاپ ءوتتى.
كەزدەسۋ سوڭىندا ۆيكتور وربان قازاقستان پرەزيدەنتىن كەلەر جىلى ماجارستانعا ساپارمەن كەلۋگە شاقىردى.
