2019 جىلدان باستاپ 2021 جىلعى قاراشا ارالىعىندا قازاقستان رەسپۋبليكاسىنىڭ اۋماعىنان تمد ەلدەرىندە ۇرلانعان 231 اۆتوكولىك تابىلدى. تمد ەلدەرىنەن قىلمىستىق اۆتوكولىكتەردى يمپورتتاۋ فاكتىلەرى كەزدەسەدى. وسى ورايدا, قىلمىسكەرلەر كەلەسى سحەمالاردى پايدالانادى.
مىسالى, ولار اۆتوكولىكتى ساتىپ الادى دا, بەلگىسىز بىرەۋلەرگە راسىمدەپ, سونىڭ اتىنان ليزينگ نەمەسە نەسيە الادى. العاشقى ءبىر-ەكى ايدا نەسيەنىڭ اقشاسىن تولەيدى. بۇدان سوڭ اۆتوكولىكتى قازاقستان اۋماعىنا شىعارادى. بۇل رەتتە اۆتوكولىك ەش جەردە ىزدەۋدە كورسەتىلمەيدى. سوسىن دا شەكارادان كەدەرگىسىز وتكىزىلەدى. ال ودان كەيىن ول اۆتوكولىكتى قايتادان ساتادى جانە رەسمي تۇردە ەلىمىزدىڭ ازاماتتارىنا راسىمدەلەدى.
وسىدان كەيىن ولار ليزينگ نەمەسە نەسيە ءۇشىن ءتيىستى اي سايىنعى اقىسىن تولەۋدى توقتاتادى. نەسيەسى تولەنبەي جاتقان سوڭ, ليزينگتىك كومپانيالار اۆتوكولىكتەردى ىزدەي باستايدى. پوليتسياعا ارىز بەرەدى, ودان ءارى قىلمىستىق ىزدەۋگە جاريالايدى. سونداي-اق, تاعى ءبىر ءجيى كەزدەسەتىن سحەمالاردىڭ ءبىرى – قىلمىسكەر اۆتوكولىكتى الدىن الا ۇزاق مەرزىمگە جالعا الىپ, سوسىن ونى قر ازاماتتارىنا نارىقتىق باعادان تومەن باعامەن قايتا ساتىپ جىبەرەدى.
ارەندانىڭ مەرزىمى بىتكەن كەزدە عانا اۆتوكولىكتەرىن تابا الماي قالعان جالعا بەرۋشىلەر پوليتسياعا جۇگىنەدى. «كريمينالدىق» تاريحى بار اۆتوكولىكتەردى ساتىپ الۋدان ساقتانۋ ءۇشىن ءاۆتوموبيلدى باسقا ەلدەن ساتىپ العان كەزدە ونى ءتيىستى تەكسەرۋلەر جۇرگىزىلەتىن ۋاكىلەتتى ورگاندا تىركەۋ ەسەبىنەن شىعارۋ كەرەك.
كەيىننەن ونى قازاقستان اۋماعىندا تىركەۋدى ۇسىنامىز.
