بىلىكتىلىكتى ارتتىرۋ سەمينارى

ەلباسى نۇرسۇلتان نازارباەۆتىڭ تاپسىرماسىنا سايكەس قازاقستان پرەزيدەنتىنىڭ جانىنداعى مەملەكەتتىك باسقارۋ اكادەمياسىندا اۋداندىق ماڭىزى بار قالالار, اۋىلدىق وكرۋگتەر, كەنتتەر مەن اۋىلداردىڭ اكىمدەرى ءۇشىن وڭىرلىك مەملەكەتتىك قىزمەتشىلەردى وقىتۋ ورتالىقتارىنا ونلاين-ترانسلياتسيانى قولدانا وتىرىپ, بىلىكتىلىكتى ارتتىرۋ سەمينارى العاش رەت وتكىزىلۋدە, دەپ حابارلادى اكادەميانىڭ ءباسپاسوز قىزمەتى. سەمينارعا مەملەكەتتىك قىزمەت ىستەرى اگەنتتىگىنىڭ توراعاسى ءا.بايمەنوۆ, اكا­دەميا رەكتورى ب.ءاب­دىرا­سى­لوۆ, قارجى ۆيتسە-ءمينيسترى ر.ءدا­لەنوۆ, ەڭبەك جانە حالىق­تى الەۋمەتتىك قورعاۋ ۆيتسە-ءمينيسترى ك.ءابساتتاروۆ, سون­داي-اق, قارجى مينيسترلىگى, ەكو­نوميكا جانە بيۋدجەتتىك جوس­پارلاۋ مينيسترلىگى, ءوڭىر­لىك دامۋ مينيسترلىگى, ەكو­نوميكالىق قىلمىسقا جانە سىبايلاس جەمقورلىققا قار­سى كۇرەس اگەنتتىگىنىڭ, «دامۋ» كاسىپكەرلىكتى دامىتۋ قورى» اق, «قازاگرو» ۇبح» اق دە­پارتامەنتتەرى مەن باس­قار­مالارىنىڭ باسشىلارى قاتىسۋدا. مەملەكەت باسشىسىنىڭ 2013 جىلعى قازان ايىن­دا «ا» كورپۋسىنىڭ مەم­لە­كەت­تىك قىزمەتشىلەرىمەن وتكەن جينالىستا بەر­گەن تاپسىرماسىندا اتاپ كورسە­تىلگەنىندەي, قازاقستان رەس­پۋب­ليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىندا 24-25 اقپاندا اۋداندىق ماڭىزى بار قالالار, اۋىلدىق وكرۋگتەر, كەنتتەر مەن اۋىلداردىڭ 300 اكىمى ءۇشىن بىلىكتىلىكتى ارتتىرۋ سەمينارى العاش رەت وتكىزىلىپ وتىر. ونلاين-ترانسلياتسيا رەجىمىندە 15 وڭىرلىك مەم­لەكەتتىك قىزمەتشىلەردى وقىتۋ ورتالىقتارىندا ء(ووو) ەكى مىڭنان استام اكىم وسى سە­ميناردىڭ قاتىسۋشىلارى بولۋدا. بۇل رەتتە مەملەكەت باس­شىسىنىڭ تاپسىرماسىنا سايكەس, اۋداندىق ماڭىزى بار قالالار, اۋىلدىق وكرۋگتەر, كەنتتەر مەن اۋىلداردىڭ بار­لىق اكىمدەرى وڭىرلىك مەم­لەكەتتىك قىزمەتشىلەردى وقى­تۋ ورتالىقتارىندا اكا­دەميانىڭ ءووو-مەن جانە ەۋروپالىق وداق جوباسىمەن بىرلەسىپ ازىرلەنگەن جانە وبلىس اكىمدەرىمەن كەلىسىلگەن 80 ساعاتتىق ۇلگىلىك باعدارلاما بويىنشا وقىتىلۋدا. ەكى كۇندىك سەمينار بارىسىندا اۋىلدىق وكرۋگتەر, كەنتتەر مەن اۋىلداردىڭ اكىمدەرى قازاقستان پرەزيدەنتى ن.نازارباەۆتىڭ قازاقستان حالقىنا ارناعان 2014 جىلعى 17 قاڭتارداعى «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى جولداۋىندا بەكى­تىل­گەن باعىتتاردىڭ باسىم­دىقتارىمەن تانىساتىن بولادى. سەمينار تىڭداۋشىلارى جەرگىلىكتى مەملەكەتتىك باسقارۋ مەن ءوزىن ءوزى باسقارۋدىڭ سالىق سالۋ, بيۋدجەتتەۋ, حالىقتى جۇمىسپەن قامتۋ, حالىقتىڭ جينالىستارىن ۇيىمداستىرۋ ماسەلەلەرىندەگى 67 فۋنكتسيانى ىسكە اسىرۋ بويىنشا ءبىلىم الادى. بۇدان وزگە, سەميناردا اۋىلدىق وكرۋگتەر, كەنتتەر مەن اۋىلدار اكىمدەرىنىڭ بىرقاتارى وڭىرلەردەگى وزدەرىنىڭ وڭ جۇمىس تاجىريبەسى تۋرالى اقپاراتتارىمەن بولىسەدى. وقۋدىڭ ناتيجەسى بويىنشا سەرتيفيكاتتار بەرىلەدى.