«ۆاكتسينانى ءوز ەركىممەن الدىم. ەشكىم مەنى ماجبۇرلەگەن جوق. تاڭەرتەڭ ەمحاناعا كەلىپ, ەكپە العاننان كەيىن جارتى ساعات بويى دارىگەرلەردىڭ قاراۋىندا بولدىم. اللەرگيا, باسقا دا كەرى اسەرى بولا ما دەپ ويلاپ ەدىم, ەشتەڭە بايقالمادى. قازىر ءوزىمدى جاقسى سەزىنىپ ءجۇرمىن. ويلاماعان جەردەن ۆاكتسينا العان قالانىڭ ميلليونىنشى تۇرعىنى بولعانىما قۋانىشتىمىن. ءار ادام ازاماتتىق پارىزى رەتىندە ەكپە العانى دۇرىس», دەيدى كوڭىلى جايلانعان سامال.
الماتى قالاسىندا 7 قاراشاعا دەيىن 1-كومپونەنتتى 1 002 324 ادام, 2-كومپونەنتتى 940 084 ادام الدى. ۆاكتسينا العانداردىڭ ىشىندە 60 جاستان اسقان قارت كىسىلەر 121 018 ادامدى قۇرايدى.
بۇگىندە قالاداعى مەديتسينالىق ۇيىمداردا, مەكتەپتەردە, مادەنيەت جانە سپورت نىساندارىندا, بازارلار مەن ساۋدا ويىن-ساۋىق ورتالىعىندا 137 ەگۋ پۋنكتى جۇمىس ىستەيدى. بۇل رەتتە ۆاكتسينالاۋ پۋنكتىندە سۋىق تىزبەكتىڭ رەجىمىن ساقتاۋ قاتاڭ باقىلانادى, بۇل ۆاكتسينانىڭ تيىمدىلىگىنە اسەر ەتەدى. سونىمەن بىرگە Pfizer ۆاكتسيناسىن الۋعا دايىندىق جۇمىستارى جۇرگىزىلىپ جاتىر. ياعني مۇزداتقىشتى ورىندار دايارلانىپ, لوگيستيكا جانە ۆاكتسينالاردى ساقتاۋ الگوريتمدەرى پىسىقتالدى, ءار كەزەڭدە جاۋاپتى تۇلعالار انىقتالدى. وعان قوسا مەديتسينالىق قىزمەتكەرلەر وقىتىلۋدا. قالا اكىمدىگى ەكپە قارقىنىن ودان ءارى ارتتىرۋ جۇمىستارىن جالعاستىردى. ايتالىق, 10 قاراشادا 1-كومپونەنتپەن 1 468 ادام, 2-كومپونەنتپەن 2 030 ادام ۆاكتسينالاندى.
بۇگىنگى تاڭدا الماتىنىڭ مەديتسينا ۇيىمدارىندا, مادەنيەت, سپورت وبەكتىلەرىندە, بازارلاردا جانە قالانىڭ سوسو-دا 132 ۆاكتسينالاۋ پۋنكتى جۇمىس ىستەيدى. 205 ۆاكتسينالاۋ بريگاداسىندا 733 مەديتسينا قىزمەتكەرى جۇمىلدىرىلعان.
الماتى
