سونداي-اق, مينيسترلىكتەرگە دە قوسىمشا وكىلەتتىكتەر جۇكتەلەدى. بۇل باعىتتاعى جاڭا نورمالار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك باسقارۋ دەڭگەيلەرى اراسىندا وكىلەتتىكتەردى قايتا ءبولۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدا جازىلعان. بۇگىن سەناتورلار اتالعان زاڭدى ەكىنشى وقىلىمدا قابىلدادى.
زاڭعا سايكەس ءبىلىم جانە عىلىم مينيسترلىگىنە قارجى ۇيىمدارى بەرەتىن ءبىلىم بەرۋ كرەديتتەرىنە جانە ولاردىڭ مولشەرىنە كەپىلدىك بەرۋ قاعيدالارىن بەكىتۋ قىزمەتى جۇكتەلەدى. سىرتقى ىستەر مينيسترلىگى حالىقارالىق شارتتاردىڭ ورىندالۋىن قامتاماسىز ەتۋ ىسىنە مونيتورينگ جۇرگىزۋگە جاۋاپتى بولادى. سونداي-اق قۇجاتتا مەملەكەتتىك ورگاندار اراسىنداعى وكىلەتتىكتەردى بولۋگە قاتىستى باسقا دا نورمالار ناقتى جازىلعان
سەنات توراعاسى ماۋلەن اشىمباەۆ زاڭ بويىنشا پىكىر ءبىلدىرىپ, بۇل قۇجاتتىڭ مەملەكەتتىك باسقارۋ جۇيەسىن دامىتۋدا جانە مەملەكەتتىك ورگانداردىڭ دەربەستىگىن ارتتىرۋدا ماڭىزدى ەكەنىن اتاپ ءوتتى.
«زاڭ مەملەكەتتiك اپپارات قىزمەتiنiڭ تيiمدiلiگiن جانە مەملەكەتتiك قىزمەتتەر كورسەتۋ ساپاسىن ارتتىرۋدى كوزدەيدى. بۇل ءوز كەزەگىندە ورتالىق جانە جەرگىلىكتى اتقارۋشى ورگانداردىڭ دەربەستىگى مەن جاۋاپكەرشىلىگىن كۇشەيتەدى. الداعى ۋاقىتتا وسى زاڭ ەلىمىزدىڭ دامۋىنا وڭ اسەرىن تيگىزەدى دەپ سەنەمىز», دەدى ماۋلەن اشىمباەۆ.
