«الماتى – تاۋەلسىزدىكتىڭ التىن بەسىگى» بايقاۋىنا قاتىسىڭىز

بايقاۋ الماتى قالاسى اكىمدىگى مەن قازاقستان جازۋشىلار وداعىنىڭ بىرلەسە ۇيىمداستىرۋىمەن ەل تاۋەلسىزدىگىنىڭ 30 جىلدىعى اياسىندا وتكىزىلەدى. 

ەل تاۋەلسىزدىگىنىڭ 30 جىلدىق مەرەيتويىنا وراي, ازاتتىقتى دارىپتەۋ, تاريحقا ءۇڭىلۋ - بايقاۋدىڭ باستى ماقساتى. الماتىنىڭ بۇگىنگى بەينەسىن كورسەتۋ ءۇشىن اعا بۋىن قالامگەرلەر مەن جاستاردى وسى بايقاۋعا تارتۋ كوزدەلگەن. قازاق ادەبيەتىنىڭ قازىرگى الەۋەتىن بايقاتىپ, جاستاردىڭ شىعارماشىلىعىن ناسيحاتتاۋ ماقساتىندا ۇيىمداستىرىلىپ وتىرعان ونەر بايگەسىنە وتىنىشتەر 26 قاراشاعا دەيىن قابىلدانىپ, ساراپشىلار شەشىمىمەن ىرىكتەلگەندەرى كەلەسى كەزەڭگە وتەدى. ەل رۋحانياتى مەن قازاق ادەبيەتىنە ءوز ۇلەسىن قوسىپ جۇرگەن بارلىق قالامگەرلەر قاتىسا الادى. 

• بايقاۋعا قاتىسۋشىلار «الماتى – تاۋەلسىزدىكتىڭ التىن بەسىگى» اتتى ورتاق تاقىرىپتا ادەبي جانرلارعا بايلانىستى تومەندەگىدەي اتالىم بويىنشا باق سىنايدى:

1. پوەزيا;
2. پروزا;
3. بالالار ادەبيەتى (پوەزيا نەمەسە پروزا);
4. دراماتۋرگيا;

 پوەزيا اتالىمى بويىنشا

ۇمىتكەرلەر بايقاۋعا ەكى ولەڭىمەن قاتىسادى:

• تاقىرىپقا بايلانىستى ءبىر ولەڭ
• ەركىن تاقىرىپتاعى ولەڭى;
• قاتىسۋشىعا قويىلاتىن تالاپتار:
  • بايقاۋعا قاتىسۋشى بەرىلگەن تاقىرىپ بويىنشا ءوزىنىڭ ءبىر ارناۋ ولەڭىمەن جانە ەركىن تاقىرىپتاعى ءبىر ولەڭىمەن قاتىسادى;
  • ولەڭنىڭ كولەمى 3 بەتتەن اسپاۋ كەرەك (ا 4 فورماتىندا);
  • ولەڭنىڭ كوركەمدىگىنە, تاقىرىپتى اشۋىنا, وي ۇشقىرلىعىنا باستى نازار اۋدارىلادى;

ولەڭ Microsoft Word تۇرىندە ( Times New Roman 14) جازىلىپ  jazushylar_odagy@mail.ru ەل.پوشتاسىنا جىبەرىلۋى كەرەك;

• پروزا اتالىمى بويىنشا

قاتىسۋشىلار بەرىلگەن تاقىرىپ بويىنشا پروزالىق شىعارما جازادى.

جۇمىستىڭ كولەمى 10 بەتتەن اسپاۋى كەرەك;

• قاتىسۋشىعا قويىلاتىن تالاپتار:
• ادەبي جانرعا ءتان قالىپتاردى ساقتاپ, كوركەم ماتىندە تاقىرىپتى اشۋ;
• بايقاۋعا قاتىسۋشىلار ەلىمىزدىڭ بۇگىنگى تىنىس-تىرشىلىگى مەن وتىز جىل ىشىندەگى ءومىرىن سۋرەتتەگەن پروزالىق اڭگىمەلەرىن جولداي الادى. سونداي-اق, قازاقستان تاريحىن ارقاۋ ەتكەن اڭگىمەلەر دە قابىلدانادى;
• شىعارما Microsoft Word تۇرىندە (Times New Roman 14) جازىلىپ, jazushylar_odagy@mail.ru ەل.پوشتاسىنا جىبەرىلۋى كەرەك;

 بالالار ادەبيەتى اتالىمى بويىنشا

قاتىسۋشىلار بەرىلگەن تاقىرىپ بويىنشا پروزا نەمەسە پوەزيا اتالىمدارى بويىنشا بالالارعا ارنالعان شىعارمالارىن ۇسىنادى.

 قاتىسۋشىعا قويىلاتىن تالاپتار:

• ادەبي جانرعا ساي ەرەكشەلىكتەردى ساقتاي وتىرىپ, كوركەم ماتىندە تاقىرىپتى اشۋ;
• جازىلعان جۇمىستىڭ كولەمى 5 بەتتەن اسپاۋى كەرەك (ا 4 فورماتىندا);
• شىعارمانىڭ جەلىسى تاۋەلسىزدىكپەن بايلانىستى بولۋى شارت;
• شىعارما Microsoft Word تۇرىندە (Times New Roman 14) jazushylar_odagy@mail.ru ەل.پوشتاسىنا جىبەرىلۋى كەرەك;

• دراما اتالىمى بويىنشا

 ۇمىتكەر بەرىلگەن تاقىرىپ بويىنشا درامالىق شىعارماسىن ۇسىنادى.

• قاتىسۋشىعا قويىلاتىن تالاپتار:
• قاتىسۋشىلار اتالعان تاقىرىپتىق يدەيانىڭ نەگىزىندە ءوز شىعارمالارىن ۇسىنادى;
• درامالىق شىعارما ءى اكتىلى نەمەسە ءىى اكتىلى بولا بەرەدى;
• شىعارما Microsoft Word تۇرىندە(Times New Roman 14) jazushylar_odagy@mail.ru ەل. پوشتاعا جىبەرىلۋى كەرەك;

جوعارىدا اتالعان اتالىمدار بويىنشا جىبەرىلگەن جۇمىستاردى ارنايى تاعايىندالعان ساراپشىلار تەكسەرۋدەن وتكىزىپ, ۇزدىك دەپ تانىلعان جۇمىستار قورىتىندى جيىندا ماراپاتتالادى.

ءار جانردى ساراپتاۋشىلار 3 ادامنان. جالپى سانى 12 ادام. (جابىق تۇردە)

 بايقاۋدىڭ ماراپاتتاۋ كەزەڭى

• بايقاۋعا قاتىسۋشىلاردى ماراپاتتاۋ كەشى الماتى قالاسى اكىمدىگىنىڭ جانە قازاقستان جازۋشىلار وداعى باسقارماسىنىڭ ۇيىمداستىرۋىمەن وتكىزىلەدى.
• ماراپاتتاۋ كەشىنە ەلىمىزگە بەلگىلى ادەبيەت وكىلدەرى مەن قوعام قايراتكەرلەرى قاتىسادى;
• ءار نوميناتسيا بويىنشا ءبىر عانا جەڭىمپاز انىقتالادى;
• ءار اتالىم بويىنشا تاعايىندالعان قازىلاردىڭ شەشىمىمەن انىقتالعان ۇزدىك جۇمىستار رەسپۋبليكا كولەمىندە دارىپتەلەدى. (باق-دا, تەلە باعدارلامالاردا)

• بايقاۋعا قاتىسۋ شارتتارى
• بايقاۋعا قاتىسۋشىلار جازىلعان جۇمىسىمەن بىرگە تومەندە كورسەتىلگەن (قوسىمشا 1) ۇلگى بويىنشا وتىنىشتەرىن تولتىرىپ, ءوزىنىڭ اتالىمى بويىنشا ەلەكتروندى مەكەن-جايعا جىبەرەدى.

قوسىمشا 1

ءوتىنىش بەرۋ ۇلگىسى

ەسكەرتۋ! ءوتىنىشتىڭ قاتە تولتىرىلعاندىعى ءۇشىن ۇيىمداستىرۋشىلار جاۋاپ بەرمەيدى.