ينفوگرافيكانى جاساعان امانگەلدى قياس, «ەQ»
كوروناۆيرۋسقا قارسى رەۆاكتسينالاۋ باستالادى
دەنساۋلىق ساقتاۋ ءمينيسترى الەكسەي تسوي سانيتارلىق-ەپيدەميالىق جاعداي تۇراقتى بولىپ تۇرعانىن ايتتى. ۆيرۋستىڭ رەپرودۋكتيۆتى يندەكسى 0,90 قۇرايدى. ينفەكتسيالىق توسەكتەر 30%, رەانيماتسيالىق توسەكتەر 26% تولى. كوروناۆيرۋس ينفەكتسياسىنىڭ تارالۋ قارقىنى بويىنشا شىمكەنت قالاسى, اقتوبە, اتىراۋ, الماتى, باتىس قازاقستان, تۇركىستان, جامبىل, قىزىلوردا, ماڭعىستاۋ جانە شىعىس قازاقستان وبلىستارى «جاسىل ايماقتا», نۇر-سۇلتان جانە الماتى قالالارى, اقمولا جانە قاراعاندى وبلىستارى «سارى ايماقتا» ورنالاسقان. قوستاناي, پاۆلودار جانە سولتۇستىك قازاقستان وبلىستارى «قىزىل ايماقتا» تۇر.
بۇگىنگى تاڭدا شامامەن 8,5 ملن ادام ۆاكتسينانىڭ ءبىرىنشى كومپونەنتىن, 7,7 ملن-نان استام ادام ەكىنشى كومپونەنتىن الدى.
ەۋروپانىڭ بىرقاتار ەلىندە, سونداي-اق قازاقستانمەن شەكارالاس مەملەكەتتەردە سىرقاتتانۋشىلىقتىڭ ءوسۋىن ەسكەرە وتىرىپ, ۇكىمەت باسشىسى سانيتارلىق تالاپتار شارالارىنىڭ جاپپاي ساقتالۋىن قامتاماسىز ەتۋدى, مونيتورينگتىك توپتاردىڭ تالاپتاردىڭ ساقتالۋىن باقىلاۋ جونىندەگى جۇمىسىنىڭ تيىمدىلىگىن كۇشەيتۋدى جانە بۇزۋشىلارعا قاتاڭ شارالار قابىلداۋدى تاپسىردى. «22 قاراشادان باستاپ بۇعان دەيىن ەكپە العان ازاماتتاردى رەۆاكتسينالاۋ باستالادى. وسىعان بايلانىستى ەگۋ پۋنكتتەرىنىڭ, مەديتسينالىق ۇيىمداردىڭ جانە مەديتسينا قىزمەتكەرلەرىنىڭ دايىندىعىن قامتاماسىز ەتۋ قاجەت» دەدى ا.مامين.
ءوسۋ كورسەتكىشى 3,5%-دى قۇرادى
ۇكىمەت وتىرىسىندا ەلىمىزدىڭ 2021 جىلعى قاڭتار-قازانداعى الەۋمەتتىك-ەكونوميكالىق دامۋىنىڭ جانە رەسپۋبليكالىق بيۋدجەتتىڭ اتقارىلۋىنىڭ قورىتىندىلارى قارالدى. ۇلتتىق ەكونوميكا ءمينيسترى اسەت ەرعاليەۆ, ۇلتتىق بانك توراعاسى ەربولات دوساەۆ, قارجى ءمينيسترى ەرۇلان جاماۋباەۆ ەكونوميكانىڭ دامۋى, اقشا-نەسيە ساياساتى, رەسپۋبليكالىق بيۋدجەتتىڭ اتقارىلۋى, مەملەكەتتىك ساتىپ الۋداعى جەرگىلىكتى قامتۋ تۋرالى باياندادى.
ۇلتتىق ەكونوميكا ءمينيسترى ءا.ەرعاليەۆتىڭ ايتۋىنشا, بيىلعى قاڭتار-قازان ايلارىندا قازاقستان ەكونوميكاسىنىڭ ءوسۋ كورسەتكىشى 3,5%-دى قۇرادى. وسى ەسەپتى كەزەڭدە نەگىزگى ترەندتەر بويىنشا قىزمەت كورسەتۋ سەكتورىنداعى ءوسۋ قارقىنىنىڭ جەدەلدەۋى, وڭدەۋ ونەركاسىبى مەن قۇرىلىس سالالارىنىڭ ەكونوميكانىڭ ءوسۋى مەن تۇراقتىلىعىنىڭ درايۆەرلەرى بولىپ قالا بەرۋى, ەكسپورتتىڭ جوعارى ءوسىم ديناميكاسى, ءوندىرۋشى ەمەس سەكتورلارداعى جوعارى ينۆەستيتسيالىق بەلسەندىلىكتىڭ ساقتالۋى بايقالۋدا. «وسى جىلدىڭ قاڭتار-قازانىندا ناقتى سەكتورداعى ءوسىم 2,9% قۇرادى. قىزمەت كورسەتۋ سالاسىندا ىسكەرلىك بەلسەندىلىك 3,4%-عا دەيىن ءوستى. سالالار اراسىندا اقپارات جانە بايلانىس, ساۋدا, سۋمەن جابدىقتاۋ, قۇرىلىس, ەلەكترمەن جابدىقتاۋ, وڭدەۋ ونەركاسىبى جوعارى ءوسىم كورسەتۋدە», دەدى ءا.ەرعاليەۆ.
ىشكى جانە سىرتقى ينۆەستيتسيالاردى تارتۋ ەكونوميكالىق ءوسۋدىڭ ماڭىزدى فاكتورى بولىپ قالىپ وتىر. بۇل رەتتە ءوندىرۋشى ەمەس سالالار ينۆەستيتسيالار بويىنشا تارتىمدى باعىت بولىپ ساقتالۋدا. «بيىلعى 10 ايدا نەگىزگى كاپيتالعا ينۆەستيتسيالاردىڭ ءوسۋ قارقىنى 2,5%-دى, ونىڭ ىشىندە تاۋ-كەن ونەركاسىبىن ەسەپكە الماعاندا, نەگىزگى كاپيتالعا ينۆەستيتسيالاردىڭ ءوسۋ قارقىنى 14%-دى قۇرادى. ينۆەستيتسيالار, قۇرىلىس سالاسىندا – 2,2 ەسەگە, وڭدەۋ ونەركاسىبىندە – 78,6%-عا, اۋىل شارۋاشىلىعىندا – 41,9%-عا, ساۋدادا – 31,4%-عا, جىلجىمايتىن م ۇلىكپەن وپەراتسيالار سالاسىندا – 17,4%-عا جانە قارجى سالاسىندا – 12,1%-عا ءوستى. وڭىرلەر اراسىندا ەڭ جوعارعى كورسەتكىش شىمكەنت, الماتى قالالارىندا جانە اقتوبە, پاۆلودار, وبلىستارىندا بايقالۋدا» دەدى مينيستر.
بيىلعى قاڭتار-قىركۇيەكتە سىرتقى ساۋدا تاۋار اينالىمى 72,8 ملرد دوللاردى قۇرادى, ونىڭ ىشىندە ەكسپورت بويىنشا كورسەتكىش 43,3 ملرد دوللارعا دەيىن جەتتى. بۇل رەتتە وڭدەلگەن تاۋارلار ەكسپورتى 25,5%-عا ءوسىپ, 14 ملرد دوللارعا دەيىن جەتتى. تاۋارلار يمپورتى 29,5 ملرد دوللاردى قۇرادى. جالپى, وڭ ساۋدا بالانسى وتكەن ايعا قاراعاندا 1,8 ملرد ءوسىپ, 13,8 ملرد دوللاردى قۇرادى.
وڭدەۋ ونەركاسىبىندە تۇراقتى ءوسۋ ءۇردىسى ساقتالۋدا. بيىلعى قاڭتار-قازاندا سالا بويىنشا ءوندىرىس كولەمى 5,3%-عا ءوستى. 14 ءوڭىر بويىنشا وڭ ءوسۋ كورسەتكىشى تىركەلدى. ەڭ جوعارعى ءوسۋ الماتى قالاسىندا, سونداي-اق الماتى, قوستاناي جانە قىزىلوردا وبلىستارىندا بايقالۋدا.
ۇلتتىق بانك توراعاسى ە.دوساەۆ الەمدىك ەكونوميكادا پاندەمياعا نەگىزدەلگەن سۇرانىس پەن ۇسىنىستىڭ تەڭگەرىمسىزدىگى, شيكىزات پەن ازىق-ت ۇلىك تاۋارلارىنا باعانىڭ جوعارى بولۋى ينفلياتسيانىڭ وسۋىمەن قاتار جۇرەتىن قالپىنا كەلۋ جالعاسىپ جاتقانىن ايتتى. «جالپى, الەمدىك ينفلياتسيا اياسى جوعارى بولىپ قالىپ وتىر. دامىعان جانە دامۋشى ەلدەر كوپ جىلدىق ەڭ جوعارى كورسەتكىشتەردىڭ جاڭارۋىن تىركەۋدە. بيىلعى قىركۇيەكتە اقش-تاعى ينفلياتسيا رەكوردتىق 5,4%-عا دەيىن, قازاندا ەۋرووداق پەن رەسەي فەدەراتسياسىندا تيىسىنشە 4,1%-عا جانە 8,1%-عا دەيىن ءوستى», دەدى ە.دوساەۆ.
ە.دوساەۆتىڭ ايتۋىنشا, ەلىمىزدە قازاندا ايلىق ينفلياتسيا 0,7% بولدى. جىلدىق ينفلياتسيا ازىق-ت ۇلىك باعاسىنىڭ 11,5%-دان 11,3%-عا دەيىن باياۋلاۋى اياسىندا سوڭعى 6 ايدا العاشقى رەت ءوسىمىن توقتاتىپ, 8,9% دەڭگەيىندە ساقتالدى. بۇل رەتتە ازىق-ت ۇلىككە جاتپايتىن ينفلياتسيا 7,5%-دان 7,8%-عا دەيىن, اقىلى كورسەتىلەتىن قىزمەت ينفلياتسياسى 6,8%-دان 6,9%-عا دەيىن جەدەلدەۋىن جالعاستىردى. جاڭا وسكەن كوكونىس باعاسى ماۋسىمدىق 5,5%-عا (ۇلەس – 0,3 پايىزدىق تارماق) جانە جۇمىرتقانىڭ باعاسى 7,2% ءوسۋى ارقىلى ازىق-ت ۇلىك ينفلياتسياسى 0,7%-دى قۇرادى. قيار مەن قىزاناق باعاسى 22%-عا جوعارى وسكەنىن كورسەتتى. قۇس فابريكالارىندا ءوندىرىس كولەمىنىڭ قىسقارۋىنان, جەم قۇنىنىڭ ارتۋىنان, سونداي-اق 2022 جىلدان باستاپ سۋبسيديالاردى الىپ تاستاۋ ىقتيمالدىعىنان جۇمىرتقانىڭ باعاسى ءوستى. «ديزەل وتىنىنىڭ باعاسى 16,6%-عا نەمەسە 34 تەڭگەگە كۇرت وسۋىنەن ازىق-ت ۇلىككە جاتپايتىن ينفلياتسيا ءبىر ايدا 1% بولدى. ديزەل وتىنى باعاسىنىڭ ايتارلىقتاي ءوسۋى وسى جىلعى قازاندا جىلدىق ينفلياتسيانى تومەندەتۋگە مۇمكىندىك بەرمەدى. ىسكەرلىك بەلسەندىلىكتىڭ قالپىنا كەلۋى جانە كورسەتىلەتىن قىزمەت سەكتورىندا وزىندىك قۇننىڭ ۇلعايۋى اياسىندا اقىلى قىزمەت ينفلياتسياسى 0,5% بولدى. وسى جىلعى 9 ايدا قىزمەت ءوندىرۋدىڭ ناقتى كولەمىنىڭ يندەكسى 2,9%-عا ءوستى. قازاندا جىلدىق ينفلياتسياسى جەدەلدەگەن وڭىرلەردىڭ سانى 13-تەن 7-گە دەيىن (17-دەن) تومەندەدى. 6 وڭىردە جىلدىق ينفلياتسيا باياۋلادى جانە 4 وڭىردە وسى جىلعى قىركۇيەكتەگى دەڭگەيدە ساقتالدى», دەدى ە.دوساەۆ.
وڭىرلەردەگى ازىق-ت ۇلىك باعاسىنىڭ ءوسۋىن تۇراقتاندىرۋ ينفلياتسيانىڭ مونەتارلىق ەمەس فاكتورلارىن ۇستاپ تۇرۋعا باعىتتالعان ينفلياتسياعا قارسى دەن قويۋ شارالارىنىڭ كەشەنىن ۇكىمەت جانە اكىمدىكتەردىڭ تاراپىنان ىسكە اسىرۋ ناتيجەسى بولىپ سانالادى. باعا تۇراقتانۋىنىڭ العاشقى بەلگىلەرىنە قاراماستان, ينفلياتسيا اياسى ءالى دە بولسا جوعارى بولىپ قالۋدا.
مەملەكەت باسشىسى 2021 جىلى ينفلياتسيانى 8,5%-عا دەيىن تۇراقتاندىرۋ بويىنشا قويعان مىندەتكە جەتۋ ءۇشىن سوڭعى ەكى ايدا جيناقتالعان ينفلياتسيا 1,4%-دان اسپاۋعا ءتيىس. سوڭعى 5 جىلدا جيناقتالعان ينفلياتسيا قاراشا-جەلتوقساندا تاريحي تۇرعىدان ورتا ەسەپپەن 1,7% بولعانىن ەسكەرەتىن بولساق, بۇل مىندەت قول جەتەرلىك بولىپ كەلەدى. «بۇگىنگى تاڭدا ۇكىمەت پەن اكىمدىكتەر الەۋمەتتىك ماڭىزدى ازىق-ت ۇلىك تاۋارلارى باعاسىنىڭ وسۋىنە باستى نازار اۋدارۋدا. الايدا الەۋمەتتىك ماڭىزدى ازىق-ت ۇلىك تاۋارلارىنىڭ قۇرامىنا كىرمەيتىن, بىراق تۇتىنۋشىلىق باعالار يندەكسىندە سالماعى ۇلكەن جانە جىلدىڭ سوڭعى ايلارىندا قىمباتتاۋعا بەيىم ازىق-ت ۇلىك تاۋارلارىنا دا نازار اۋدارعان ءجون. ينفلياتسياعا قارسى دەن قويۋ شارالارىنىڭ كەشەنى شەڭبەرىندە تاۋار نارىقتارىنداعى تەڭگەرىمسىزدىكتەردى جويۋ ماقساتىندا جۇيەلى جانە الدىن الۋ شارالارىن قابىلداۋ ينفلياتسيانى تۇراقتاندىرۋعا جانە 2022 جىلى 4-6% نىسانالى دالىزگە ەنۋگە مۇمكىندىك بەرەدى», دەدى ە.دوساەۆ.
قارجى ءمينيسترى ە.جاماۋباەۆ بيىلعى 10 ايدىڭ قورىتىندىسى بويىنشا مەملەكەتتىك قارجىنى ورىنداۋ كورسەتكىشتەرى تومەندەگىدەي قالىپتاسقانىن حابارلادى:
مەملەكەتتىك بيۋدجەتكە 8 ترلن 719 ملرد تەڭگە سوماسىندا كىرىستەر ءتۇستى نەمەسە جوسپار 102,9% اتقارىلدى. رەسپۋبليكالىق بيۋدجەتكە 5,6 ترلن تەڭگە ءتۇستى نەمەسە جوسپار 100,2% اتقارىلدى. «جالپى, كىرىستەر بويىنشا جوسپار 13 ملرد تەڭگەگە اسىرا ورىندالدى, ونىڭ ىشىندە سالىقتار – 24 ملرد تەڭگەگە. بۇل رەتتە سالىقتىق ەمەس تۇسىمدەر 14 ملرد تەڭگەگە اتقارىلمادى. سالىق بويىنشا اسىرا ورىنداۋدىڭ نەگىزگى سومالارى كورپوراتيۆتىك تابىس سالىعىنا, پايدالى قازبالاردى وندىرۋگە سالىناتىن سالىققا جانە شيكى مۇنايعا ەكسپورتتىق كەدەندىك باجعا تيەسىلى», دەدى ە.جاماۋباەۆ.
كورپوراتيۆتىك تابىس سالىعى بويىنشا جوسپاردىڭ اسىرا ورىندالۋى 666 ءىرى سالىق تولەۋشى بويىنشا مالىمدەلگەن اۆانستىق تولەمدەر سوماسىنىڭ 67%-عا ۇلعايۋىنا بايلانىستى.
مەملەكەتتىك بيۋدجەتتىڭ شىعىستارى 98,7%-عا, رەسپۋبليكالىق بيۋدجەتتىڭ شىعىستارى 99,6%-عا, جەرگىلىكتى بيۋدجەتتەردىڭ شىعىستارى 98%-عا اتقارىلدى. رەسپۋبليكالىق بيۋدجەت بويىنشا شىعىستار 12 ترلن تەڭگەنى قۇرادى. اتقارىلماۋ 50 ملرد تەڭگەنى قۇرادى, ونىڭ ىشىندە 10 ملرد تەڭگە – ۇنەمدەۋ. «يگەرىلمەۋدىڭ نەعۇرلىم ءىرى سومالارى توتەنشە جاعدايلار, تسيفرلىق دامۋ, يننوۆاتسيالار جانە اەروعارىش ونەركاسىبى, دەنساۋلىق ساقتاۋ, ىشكى ىستەر جانە قارجى مينيسترلىكتەرىندە قالىپتاستى. يگەرىلمەۋدىڭ نەگىزگى سەبەپتەرى: تولەم ناقتى كورسەتىلگەن قىزمەت كولەمى بويىنشا جۇرگىزىلگەن, شوت-فاكتۋرالاردىڭ, ورىندالعان جۇمىس اكتىلەرىنىڭ ۋاقتىلى ۇسىنىلماۋى, قازىناشىلىق ورگاندارىنا تولەم شوتتارىن كەش ۇسىنۋ, كونكۋرستىق راسىمدەردىڭ ۇزاق وتكىزىلۋى», دەپ ءتۇسىندىردى قارجى ءمينيسترى.
ماسەلەنى قورىتىندىلاعان ۇكىمەت باسشىسى اسقار مامين قازاقستان ەكونوميكاسى سەنىمدى ءوسۋ قارقىنىن ساقتاپ كەلە جاتقانىن اتاپ ءوتتى. بيىلعى ون ايدىڭ قورىتىندىسى بويىنشا ءىجو ءوسىمى 3,5% قۇرادى. ناقتى سەكتوردا ءوندىرىستىڭ ورنىقتى ءوسۋ قارقىنى بايقالىپ وتىر. وسىلايشا, وڭدەۋ ونەركاسىبى ءوندىرىسىنىڭ كولەمى 5,3%-عا ءوستى. ءوسىم ماشينا جاساۋدا 19,5%, ونىڭ ىشىندە اۆتوموبيل جاساۋدا 23,4%, لوكوموتيۆتەر مەن ۆاگوندار وندىرىسىندە 59,0%, قۇرىلىس ماتەريالدارى وندىرىسىندە 9,3%, فارماتسەۆتيكادا 33,6%, پلاستماسسا بۇيىمدارى وندىرىسىندە 36,5%, كيىم وندىرىسىندە 11,4%, جيھاز وندىرىسىندە 11,8%, دايىن مەتالل بۇيىمدارى وندىرىسىندە 16,4% بايقالادى.
كارانتيندىك شارالاردى بىرتىندەپ جەڭىلدەتۋدىڭ ناتيجەسىندە قىزمەت كورسەتۋ سەكتورىنداعى ىسكەرلىك بەلسەندىلىك 3,4% وسىممەن قالپىنا كەلگەن, بۇل جاعداي بايلانىس قىزمەتتەرى (+12,9 %) مەن ساۋداداعى (+9,5 %) سەرپىننىڭ جوعارى بولۋىنا وراي قالىپتاستى.
قۇرىلىس سالاسى 7,6%-عا ءوستى. 10 ايدا ەلىمىزدە 11,6 ملن شارشى مەتر تۇرعىن ءۇي پايدالانۋعا بەرىلدى, بۇل وتكەن جىلدىڭ سايكەس كەزەڭىمەن سالىستىرعاندا 7,9%-عا ارتىق.
وسى جىلعى قاڭتار-قازان ايلارىنىڭ قورىتىندىلارى بويىنشا الماتى جانە جامبىل وبلىستارى, نۇر-سۇلتان جانە شىمكەنت قالالارى بارلىق 7 نەگىزگى ماكروكورسەتكىش بويىنشا اقمولا, اقتوبە, اتىراۋ, شىعىس قازاقستان, قوستاناي, ماڭعىستاۋ, پاۆلودار, تۇركىستان وبلىستارى جانە الماتى قالاسى 6 كورسەتكىش بويىنشا, قىزىلوردا جانە سولتۇستىك قازاقستان وبلىستارى 5 كورسەتكىش بويىنشا الەۋمەتتىك-ەكونوميكالىق دامۋ ءوسىمىن قامتاماسىز ەتتى. ەڭ تومەنگى كورسەتكىشتەرگە قاراعاندى جانە باتىس قازاقستان وبلىستارىندا قول جەتكىزىلدى.
ۇكىمەت باسشىسى ازىق-ت ۇلىك تاۋارلارى باعاسىنىڭ ءوسۋىن تەجەۋدى, وتاندىق ءوندىرىستى قولداۋدى قامتاماسىز ەتۋدى, ينۆەستيتسيا تارتۋدى, ەكسپورتتى ىلگەرىلەتۋدى, حالىقتىڭ جۇمىسپەن قامتىلۋىن ساقتاۋدى جانە تۇراقتى جۇمىس ورىندارىن قۇرۋدى تاپسىردى.
31 زاڭ جوباسىن ازىرلەيدى
ۇكىمەت وتىرىسىندا ۇكىمەتتىڭ زاڭ جوبالاۋ جۇمىستارىنىڭ 2022 جىلعا ارنالعان جوسپارىنىڭ جوباسى قارالدى.
وسى ماسەلە جونىندە بايانداعان ادىلەت ءمينيسترى م.بەكەتاەۆ ۇكىمەتتىڭ زاڭ جوبالاۋ جۇمىستارىنىڭ 2022 جىلعا ارنالعان جوسپارى 31 زاڭ جوباسىن ازىرلەۋدى جانە پارلامەنتكە ەنگىزۋدى كوزدەيتىنىن, ونىڭ ىشىندە 11-ءى – ءبىرىنشى جارتىجىلدىققا, 20-سى – جىلدىڭ ەكىنشى جارتىسىنا جوسپارلانعانىن ايتتى. زاڭ جوبالارى مەملەكەتتىك قىزمەت, جىلۋ ەنەرگەتيكاسى, دەنساۋلىق ساقتاۋ, ءبىلىم بەرۋ, مادەنيەت جانە سپورت سالالارىن ودان ءارى دامىتۋعا جانە رەتتەۋگە, تەرروريزمدى قارجىلاندىرۋعا جانە كىرىستەردى زاڭداستىرۋعا قارسى ءىس-قيمىل تاسىلدەرىن, اگلومەراتسيالاردى دامىتۋعا, ازاماتتىق جانە قىلمىستىق زاڭنامانى جەتىلدىرۋگە جانە ت.ب. باعىتتالعان. «قازاقستان رەسپۋبليكاسىنىڭ الەۋمەتتىك كودەكسىن» جانە «تۇتىنۋشىلاردىڭ قۇقىقتارىن قورعاۋ تۋرالى», «سايكەستىكتى باعالاۋ تۋرالى», «كاسىبي بىلىكتىلىك تۋرالى», «جىلۋ ەنەرگەتيكاسى تۋرالى», «اگلومەراتسيالاردى دامىتۋ تۋرالى» 5 جاڭا زاڭ ازىرلەۋ جوسپاردا بار.
ۇكىمەت باسشىسى مەملەكەتتىك ورگانداردىڭ ءبىرىنشى باسشىلارىنا زاڭ جوبالارىنىڭ ساپاسىن جانە ونى پارلامەنتكە ۋاقتىلى ەنگىزىلۋىن قامتاماسىز ەتۋدى تاپسىردى.
حالىق ساناعىنا بەلسەندى قاتىسقانىن اتاپ ءوتتى
ۇكىمەت وتىرىسىندا ۇلتتىق حالىق ساناعىنىڭ الدىن الا قورىتىندىسى قارالدى. ستراتەگيالىق جوسپارلاۋ جانە رەفورمالار اگەنتتىگىنىڭ ۇلتتىق ستاتيستيكا بيۋروسىنىڭ باسشىسى نۇربولات ايداپكەلوۆ حالىق ساناعىن وتكىزۋ جونىندەگى جۇمىستىڭ اياقتالعانى تۋرالى باياندادى.
ونىڭ ايتۋىنشا, حالىقتىڭ 60%-عا جۋىعىنا ءداستۇرلى ساناق جۇرگىزىلدى. ەلىمىزدە تۇڭعىش رەت حالىق ساناعى ەلەكتروندى تۇردە وتكىزىلدى. حالىقتىڭ 40%-دان استامى ساناققا sanaq.gov.kz سايتىندا ەلەكتروندى ساناق پاراقتارىن وزدەرى تولتىرۋ ارقىلى قاتىستى.
حالىق ساناعىنا ساناق پەرسونالىنىڭ 25 مىڭعا جۋىق ادامى, سونداي-اق ۇلتتىق ستاتيستيكا بيۋروسىنىڭ اۋماقتىق بولىمشەلەرى مەن ورتالىق اپپاراتىنىڭ قىزمەتكەرلەرى قاتىستى. ساناقتىڭ الدىن الا قورىتىندىسى بارلىق تەكسەرۋ اياقتالعاننان كەيىن جەلتوقسان ايىنىڭ سوڭىندا شىعارىلادى.
ۇكىمەت باسشىسى كۇردەلى ەپيدەميالىق جاعدايلاردا وتكەن ۇلتتىق حالىق ساناعى مەيلىنشە ساپالى ۇيىمداستىرىلعانىن اتاپ ءوتتى. پرەمەر-مينيستر قازاقستاندىقتارعا وسى ماڭىزدى ناۋقانعا بەلسەندى قاتىسقانى ءۇشىن, سونداي-اق ۇلتتىق ستاتيستيكا بيۋروسىنىڭ قىزمەتكەرلەرى مەن وسى ناۋقانعا جۇمىلدىرىلعان ازاماتتارعا اتقارعان جۇمىسى ءۇشىن ريزاشىلىعىن ءبىلدىردى.
