بۇعان دەيىن ول «Elorda Aqparat» جشس ديرەكتورى قىزمەتىن اتقارعان.
بولات كاليانبەكوۆ جاڭا باسشىنى تانىستىرا وتىرىپ, باقىتجان تۇرلىبەكوۆ ەڭبەك جولىن و. جاۋتىكوۆ اتىنداعى دارىندى بالالارعا ارنالعان رەسپۋبليكالىق مامانداندىرىلعان فيزيكا-ماتەماتيكا مەكتەبىندە پسيحولوگ بولىپ باستاعانىن اتاپ ءوتتى. ونىڭ مادەنيەت جانە اقپارات مينيسترلىگىنىڭ قۇرىلىمدىق بولىمشەلەرىندە جۇمىس ىستەگەنىن, NewTimes.kz, Sn.kz, اقپاراتتىق اگەنتتىكتەرىن جانە «كوررەسپوندەنت» گازەتىن باسقارعانىن ايتتى.
باقىتجان تۇرلىبەكوۆ «Qazaq Epos» قوعامدىق قورى جۇزەگە اسىرعان «تۇلپار ءمىنىپ, تۋ العان» رەسپۋبليكالىق اعارتۋشىلىق جوباسىن وتكىزۋدىڭ باستاماشىسى بولدى.
حولدينگتىڭ باس ديرەكتورى بۇگىنگى تاڭدا جشس-نىڭ گازەتتەرى مەن سايتتارىنىڭ الدىندا ماڭىزدى مىندەتتەر تۇرعانىن ەرەكشە اتاپ ءوتتى. گازەتتەردىڭ تارالىمىن, سايتتاردىڭ جوعارى رەيتينگتەرىن جانە قارجى كورسەتكىشتەرى مەن باق-تىڭ رەنتابەلدىلىگىن ساقتاۋ قاجەت. پارتيالىق ماسس-مەديا قوعامدى تولعاندىراتىن وزەكتى ماسەلەلەردى كوتەرىپ, ولار بويىنشا كەرى بايلانىس بەرۋى ءتيىس. وسىنىڭ بارلىعى «ايقىن-ليتەرگە» كەلگەن جاڭا باسشىنىڭ تيىمدىلىگىنىڭ باستى كورسەتكىشى بولماق.
