ءماجىلىس دەپۋتاتى ەكاتەرينا سمىشلياەۆانىڭ ايتۋىنشا, حالىق اراسىندا گازەل اتالىپ كەتكەن اۆتوكولىكتەرگە سالىناتىن كولىك سالىعى قازىرگىدەي قوزعالتقىش كولەمىنە ەمەس, جۇك كوتەرگىشتىگىنە بايلانىستى بەلگىلەنگەن مولشەرلەمەلەر بويىنشا تولەنەدى. نورما شامامەن 96 مىڭ كولىككە اسەر ەتەدى. ول 2021 جىلدىڭ 1 قاڭتارىنان قايتا ەسەپتەلەدى.
«زاڭدى تۇلعالاردىڭ 2021 جىلعا ارنالعان كولىك سالىعىن تولەۋ مەرزىمى 2021 جىلدىڭ 5 شىلدەسىندە اياقتالدى. ال جەكە تۇلعالار مەن جەكە كاسىپكەرلەر ءۇشىن 2022 جىلدىڭ 31 ناۋرىزىندا اياقتالادى. سوندىقتان سالىق تولەگەن كولىك يەلەرى ءۇشىن ونى قايتا ەسەپتەۋ قاجەت. 2021 جىلدىڭ سالىعىن تولەپ قويعاندارعا سالىقتى قايتا ەسەپتەۋ قالاي ۇيىمداستىرىلادى؟», دەپ سۇرادى دەپۋتات ءماجىلىستىڭ جالپى وتىرىسىندا.
