«بيىلعى قىركۇيەكتە كارديولوگيا جانە ىشكى اۋرۋلار عزي مەديتسينالىق قىزمەت كورسەتۋدىڭ جوعارى ساپاسى مەن پاتسيەنتتەردىڭ قاۋىپسىزدىك دەڭگەيىنىڭ كورسەتكىشى بولىپ سانالاتىن JSI حالىقارالىق اككرەديتتەۋىن العان بولاتىن. ۇلتتىق اككرەديتتەۋ ءبىزدىڭ كلينيكانىڭ حالىققا مەديتسينالىق قىزمەت كورسەتۋى دەڭگەيىنىڭ جوعارى ەكەندىگىن دالەلدەدى. 2018 جىلى ينستيتۋتقا ۇلتتىق اككرەديتتەۋدىڭ ءبىرىنشى ساناتى بەرىلدى. ۇجىم قىزمەتكەرلەرىنىڭ 3 جىل بويعى كۇندەلىكتى تىنىمسىز ەڭبەگى جوعارى ساناتتى الۋعا مۇمكىندىك بەردى», دەيدى كارديولوگيا جانە ىشكى اۋرۋلار عزي باسقارما توراعاسى روزا قۋانىشبەكوۆا.
«دەنساۋلىق ساقتاۋ سالاسىنداعى سىرتقى كەشەندى باعالاۋ جونىندەگى ساراپشىلار مەن كونسۋلتانتتاردىڭ» قب 5 قازاننان 9 قازانعا دەيىن كلينيكا قىزمەتىنە باعالاۋ جۇرگىزدى. ۇلتتىق ستاندارتتار بويىنشا ۇيىمداعى بارلىق بولىمشەلەر مەن پروتسەستەر باعالانادى. ولار: ستراتەگيالىق جانە وپەراتسيالىق جوسپارلاۋ, ەمدەۋ جانە پاتسيەنتتەرگە كۇتىم جاساۋ, پاتسيەنتتەردىڭ, عيماراتتىڭ قاۋىپسىزدىگى, ينفەكتسيالىق باقىلاۋ, ساپانى, قاۋىپتەردى جانە رەسۋرستاردى باسقارۋ, پاتسيەنتتەردىڭ قۇقىعىن ساقتاۋ, حالىقپەن جۇمىس جۇرگىزۋ, كادر ساياساتى.
«2020 جىلى ءبىز قازاقستاننىڭ ەڭ ۇزدىك كاسىپورنى اتاندىق, سول جىلى بىزگە ءتيىستى كلينيكالىق پراكتيكا (GCR) ستاندارتىنا سايكەستىك سەرتيفيكاتى بەرىلدى. حالىققا كومەك كورسەتۋ ءۇشىن باسەكەلەستىك مەديتسينالىق قىزمەت كورسەتۋدى ارتتىرۋدىڭ ءتيىمدى تەتىگى. تابىستىڭ نەگىزگى فاكتورى, ەڭ الدىمەن, ادامي كاپيتال بولىپ تابىلادى. ءبىزدىڭ دارىگەرلەر جەتەكشى شەتەلدىك كلينيكالاردا ءبىلىم الدى جانە ءالى دە ءبىلىم الىپ جاتىر. ءبىز وقىتۋ, تاجىريبە الماسۋ ارقىلى پراكتيكالىق جانە تەوريالىق داعدىلاردىڭ جوعارى دەڭگەيىنە ۇمتىلامىز. كورسەتىلەتىن مەديتسينالىق قىزمەتتىڭ ساپاسىن ارتتىرۋ ءۇشىن ۇنەمى جۇمىس ىستەيمىز», دەيدى كلينيكا باسشىسى.
اككرەديتتەۋ مەديتسينالىق ۇيىمنىڭ بەكىتىلگەن ساپا ستاندارتتارىنا سايكەستىگىن دالەلدەيدى. سوندىقتان مەديتسينا ۇيىمىنىڭ مۇنداي سەرتيفيكاتىنىڭ بولۋى ساپا مەن پاتسيەنتتەر سەنىمىن بىلدىرەدى.
