«بيىلعى قازاننىڭ سوڭىندا بىرىڭعاي جيناقتاۋشى زەينەتاقى قورىنىڭ زەينەتاقى اكتيۆتەرى جىل باسىنان باستاپ 337,3 ملرد تەڭگەگە نەمەسە 2,6%-كە ۇلعايىپ, 13,2 ترلن تەڭگە بولدى. ال 31 قازاندا سالىمشىلاردىڭ زەينەتاقى جيناقتارىن مەرزىمىنەن بۇرىن الۋى ءۇشىن 2 ترلن تەڭگەگە 545,5 مىڭ ءوتىنىش ورىندالدى, ونىڭ ىشىندە 1,950 ملرد تەڭگە نەمەسە 97,1% تۇرعىن ءۇي ماسەلەلەرىن شەشۋگە تيەسىلى بولدى», دەدى ە. دوساەۆ ۇكىمەت وتىرىسىندا.
بانك توراعاسىنىڭ ايتۋىنشا, بيىلعى جىل باسىنان بەرى ەسەپتەلگەن ينۆەستيتسيالىق كىرىستىڭ مولشەرى شامامەن 1,2 ترلن تەڭگە بولدى, ونىڭ 14%-ءى ۆاليۋتالىق پورتفەل اكتيۆتەرىنە تيەسىلى.
«بيىلعى 10 ايدىڭ قورىتىندىسى بويىنشا 7% ينفلياتسيا كەزىندە 9,9% مولشەرىندە كىرىس الىندى, سايكەسىنشە سالىمشىلار ءۇشىن 2,9% مولشەرىندە ناقتى كىرىس قامتاماسىز ەتىلدى», دەدى ە. دوساەۆ.
