«وسى جىلدىڭ باسىنان باستاپ تەرگەۋ ورگاندارىن كۇدىكتى دەپ تانۋ, ارەكەتتەردى سارالاۋ, تەرگەۋ مەرزىمدەرىن ءۇزۋ, ءىستى توقتاتۋ تۋرالى شەشىمدەردى تەك پروكۋرور زاڭداستىرادى. پروكۋرور كەلىسىم بەرمەسە ولار زاڭسىز بولىپ ەسەپتەلەدى. ەلەكتروندى ءىس جۇرگىزۋدى ەنگىزۋ پروتسەستى جەدەل ءارى جەڭىل ەتۋگە مۇمكىندىك بەردى. تەرگەۋشى ءىستى پروكۋرورعا جولدايدى. ول ءوز قاۋلىسىن جۇيەدە ازىرلەگەن كەزدە پروكۋرورعا بىردەن ەلەكتروندى حابارلاما تۇسەدى», دەدى اسەت شىنداليەۆ.
سونىمەن قاتار پروكۋروردىڭ شەشىم قابىلداۋ مەرزىمى دە قىسقاردى. بۇرىن ىستەر ءبىر اي قارالسا, قازىر 24 ساعاتتان 3 كۇنگە دەيىن قارالادى.
«شەشىمدەر زاڭدى بولعاندا پروكۋرور ولارعا تسيفرلىق قول قويىپ, كەلىسەدى. ال زاڭسىز بولسا, باس تارتادى. وتكەن 10 ايدىڭ ىشىندە پروكۋرورلار تەرگەۋدىڭ 329 مىڭ قاۋلىسىن تەكسەرىپ, 287 مىڭ شەشىمگە كەلىسىم بەردى, قالعان شەشىمدەر قولداۋ تاپپاي, تۇزەتۋگە جىبەرىلدى», دەپ ءتۇسىندىردى ول ماجىلىستە.
