مەملەكەت دامۋىنداعى سىندارلى قادام

مەملەكەت باسشىسى نۇرسۇلتان نازارباەۆتىڭ اتىنا شىعىس قازاقستان وبلىسىنىڭ اۋىل شارۋاشىلىعى قۇرىلىمدارى مەن شاعىن جانە ورتا بيزنەس كاسىپورىندارى باسشىلارىنان حات كەلدى, دەپ حابارلادى پرەزيدەنتتىڭ ءباسپاسوز قىزمەتى. حاتتا اۆتورلار مەملەكەت باس­شىسى جۇرگىزىپ وتىرعان ەلدى الەۋ­مەتتىك-ەكونوميكالىق جاڭعىرتۋ جانە قارجى تۇراقتىلىعىن قام­تا­ما­سىز ەتۋ ساياساتىنا قولداۋ بىلدىرەدى. «ۇلتتىق ۆاليۋتا باعامىنا جا­سالعان وزگەرىس پەن ماك­رو­ەكو­نوميكالىق جانە الەۋمەتتىك تۇ­راقتىلىقتى ساقتاۋعا باعىتتالعان شارالاردى تۇسىنىستىكپەن قابىل­دايمىز. تەڭگە باعامىنا وزگەرىس ەنگىزىلۋى وتاندىق ءوندىرىستىڭ دامۋى­نا, ينۆەستيتسيا اعىنىنا, جۇ­مىسپەن قامتۋدىڭ ۇلعايۋىنا سەپتىگىن تيگىزىپ, تۇپكى ناتيجەسىندە ازاماتتارىمىزدىڭ ءال-اۋقاتىن ارتتىرۋعا مۇمكىندىك بەرەتىنىنە سەنەمىز», – دەلىنگەن حاتتا. ءوڭىردىڭ اگروونەركاسىپ كەشە­نىنىڭ, شاعىن جانە ورتا بيزنەسىنىڭ وكىلدەرى بىلتىر شىعىس قازاقستان وبلىسى ەكونوميكاسىنىڭ ءتۇرلى سالالارىنا كورسەتىلگەن مەملەكەتتىك قولداۋ 50 ميلليارد تەڭگەدەن اس­قانىن اتاپ وتكەن. «بيزنەستىڭ الەۋمەتتىك جاۋاپ­­كەرشىلىگىن تۇسىنە جانە ءسىزدىڭ شا­قىرۋىڭىزعا ءۇن قوسا وتىرىپ, ءبىز ءوز كاسىپورىندارىمىزداعى ەڭ­بەككەرلەردىڭ ەڭبەكاقىسى 10%-عا ارتتىرىلۋىن قامتاماسىز ەتەمىز», – دەلىنگەن حاتتا. سوڭىندا حات يەلەرى ەلىمىزدىڭ اگروقۇرىلىمدارىنىڭ بارلىق باسشىلارى مەن كاسىپكەرلەرىن قا­زاقستاننىڭ ودان ءارى دامۋىن قامتاماسىز ەتۋگە جانە ءوز كاسىپ­ورىندارى ەڭبەككەرلەرىنىڭ ەڭبەك­اقىسىن ارتتىرۋ تۋرالى مەملەكەت باسشىسىنىڭ باستاماسىن قولداۋعا شاقىرعان.