بىلتىردان باستاپ وبلىستىڭ 2023 جىلعا دەيىنگى ەكونوميكالىق دامۋ جوسپارى قابىلدانىپ, سوعان سايكەس 404 جوبانى جۇزەگە اسىرۋ جوسپارلانعان. سونداي-اق «قىزىلوردا وبلىسىنىڭ ينۆەستيتسيالىق مۇمكىندىكتەرى» گايدبۋگى ازىرلەنىپ, وعان ينۆەستيتسيا قاجەت ەتەتىن قۇنى 967 ملرد تەڭگەنىڭ 35 ءىرى جوباسى ەنگىزىلىپ وتىر.
ينۆەستيتسيا تارتۋ جانە جاڭا ينۆەستيتسيالىق جوبالاردى جۇزەگە اسىرۋ ءۇشىن جىل باسىنان بەرى وبلىسقا 5 روۋد-شوۋ ۇيىمداستىرىلدى. ونىڭ ىشىندە, بەينەكونفەرەنتسيا رەجىمىندە موڭعوليا جانە فرانتسيا مەملەكەتتەرى وكىلدەرىمەن 2 كەزدەسۋ وتكىزىلگەن. بۇعان قوسا, ليتۆا, وزبەكستان جانە كورەيا ەلشىلىكتەرىنىڭ دەلەگاتسيالارى وبلىسقا ىسساپارمەن كەلدى.
– وبلىستا بىرنەشە قارجى ۇيىمدارى جۇمىس ىستەپ كەلەدى. جەرگىلىكتى ينۆەستيتسيالىق جوبالاردىڭ جۇزەگە اسىرىلۋىنا قارجىلاي سۇيەمەلدەۋ جاسايتىن «بايقوڭىر» الەۋمەتتىك-كاسىپكەرلىك كورپوراتسياسىنىڭ قىزمەتى تولىقتاي قايتا قۇرىلدى. اتاپ ءوتۋ قاجەت, مەكەمە نەسيە بەرۋشى ەمەس, قۇرىلاتىن بيزنەستىڭ تولىققاندى سەرىكتەسى رەتىندە قاتىسادى, – دەيدى باسقارما باسشىسى.
بۇعان قوسا, وڭىردە «وڭىرلىك ينۆەستيتسيالىق ورتالىعى» ارقىلى جاس كاسىپكەرلەر جىلدىق ۇستەمەاقىسى 2%-بەن 5 جىلعا 400 ملن تەڭگەگە دەيىن جەڭىلدەتىلگەن نەسيە الا الادى. بۇل نەسيەنىڭ تاعى ءبىر ەرەكشەلىگى – 1,5 جىلعا دەيىن نەسيەلىك دەمالىس الۋعا بولادى. كەلەر جىلى جەڭىلدەتىلگەن نەسيەگە بولىنەتىن قارجى كولەمى 500 ملن تەڭگەگە دەيىن ۇلعايماق.
مەملەكەت تاراپىنان بەرىلەتىن قولداۋ شارالارىن ناسيحاتتاۋ ماقساتىندا جاقىندا قىزىلوردا وبلىسى اكىمدىگى جانە Kazakh Invest ۇلتتىق كومپانياسى بىرلەسىپ «كاسىپكەرلىك قىزمەت پەن ينۆەستورلاردى مەملەكەتتىك قولداۋ شارالارى» تاقىرىبىندا ترەنينگ وتكىزدى. ءىس-شاراعا الماتى, جامبىل, تۇركىستان وبلىستارى جانە شىمكەنت قالاسى اكىمدىگىنىڭ وكىلدەرى, دامۋ ينستيتۋتتارى مەن قارجى ۇيىمدارىنان قۇرالعان 80-نەن استام ادام ونلاين فورماتتا قاتىسىپ, ءوز سۇراقتارىنا جاۋاپ الدى.
ينۆەستيتسيالىق پرەفەرەنتسيا الۋعا قۇجاتتار ازىرلەۋ بارىسىندا كاسىپورىندارعا فرونت-وفيس تولىقتاي سۇيەمەلدەۋ جۇمىستارىن جۇرگىزەدى. فرونت-ءوفيستىڭ ەرەكشەلىگى – 10 مەكەمەنىڭ قىزمەتى ءبىر جەرگە شوعىرلانعان. مۇندا ء«بىر تەرەزە» قاعيداسى بويىنشا جەر, ساۋلەت, قۇرىلىس, مەملەكەتتىك كىرىستەر, ينجەنەرلىك كوممۋنيكاتسيالارعا قوسىلۋ ماسەلەلەرى جانە باسقا دا باعىت بويىنشا بارلىعى 90 قىزمەت ءتۇرىن كورسەتەدى. ورتالىق جۇمىسىن اۆتوماتتاندىرۋ ناتيجەسىندە تەحنيكالىق شارت بەرۋ مەرزىمى 1 ايدان 5 جۇمىس كۇنىنە دەيىن قىسقارتىلىپ وتىر.
قىزىلوردا وبلىسى
