جاس ۋنيۆەرسيتەتتىڭ جارقىن جەتىستىكتەرى

ەلىمىزدىڭ ماڭدايالدى وقۋ ورداسى – ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە جار سالىپ ايتۋعا تۇرارلىق جاقسى جاڭالىق كوپ. قاي باعىتتا دا ۇنەمى ىلگەرىلەۋ ۇستىندە كەلە جاتقان ەۋرازيا ۇلتتىق ۋنيۆەرسيتەتى ءبىلىم بەرۋدى باعالاۋ باعىتىنداعى Quacquarelli Symonds (QS) حالىقارالىق كوم­پانياسىنىڭ سوڭعى QS Top 50 Under 50 رەيتينگىسى بويىنشا دا ۇزدىك ەلۋلىككە ەنگەن بولاتىن. رەيتينگىگە الەمنىڭ قۇرىلعانىنا جارتى عاسىردان اسپاعان مىڭداعان جوو قاتىستىرىلىپ, ونىڭ ىشىنەن وزىق ۇلگىدەگى 50 وقۋ ورنى ىرىكتەلىنىپ الىنعان. ەۇۋ ەلۋلىك اراسىنان 32-ءشى ورىنعا تابان تىرەدى. ولاردىڭ اراسىندا گونكونگ, وڭتۇستىك كورەيا, اقش, يسپانيا, اۆستراليا, شۆەتسيا, ۇلىبريتانيا, كانادا, جاپونيا, برازيليا, گەرمانيا, ارگەنتينا, يتاليا, فرانتسيا جانە ساۋد ارابياسى سىندى ەلدەردىڭ الدىڭعى قاتارلى ءبىلىم وردالارى بار. ايتا كەتۋ كەرەك, ەۇۋ – ۇزدىكتەر قاتارىنا ىلىككەن تمد مەملەكەتتەرى اراسىنداعى بىردەن-ءبىر جوعارى وقۋ ورنى. ۋنيۆەرسيتەت ۇجىمىنىڭ مە­رەيىن اسىرعان تاعى ءبىر قۋانىشتى حابار – الەمدەگى ۋنيۆەرسيتەتتەردىڭ ۆەب-سايتتارىنا جۇرگىزىلگەن ۆەبومەتريكس رەيتينگىسىندەگى كور­سەتكىش. بۇل سارالاۋدا ەۇۋ دۇنيە­جۇزى بويىنشا 22 000 جوو مەن ءبىلىم بەرۋ ۇيىمدارى ىشىنەن 2213-ءشى, ازيا ەلدەرىنىڭ وقۋ وردا­لارى اراسىندا 729-شى ورىنعا كوتەرىلدى. ۋنيۆەرسيتەت بىلتىرعى جىلعى تىزىمدە 4006 بولىپ تۇر­عاندىعىن ەسكەرسەك, بيىل 1793 ورىندى ارتقا تاستاپ, دامۋدىڭ ناق­تى ۇلگىسىن تانىتىپ وتىر. «Webometrics Ranking World Universities» (ۆەبومەتريكس) ۋني­ۆەرسيتەتتىك ۆەب-سايتتاردىڭ رەي­تينگىسى ينتەرنەت جەلىسىندەگى ءبىلىم جانە عىلىم قىزمەتتەرىن وقى­تۋ­مەن اينالىساتىن يسپا­نيا­­نىڭ «Laboratorio de Internet» زەرتتەۋ تو­­بى تا­را­پىنان جۇرگىزىلەدى. Webometrics رەيتينگىسى ۋنيۆەرسيتەتتەگى عا­لام­تور جەلىسىندەگى عىلىمي جاريالانىمدار, ءار جوو عالىمدارىنىڭ زەرت­تەۋ ەڭبەكتەرىن, ولارعا جاسالعان ءسىل­تەمەلەردى, تاعى دا باسقا كورسەت­كىشتەردى ەسكەرىپ, جوو-نىڭ عى­لىمي-زەرتتەۋ الەۋەتىن باستى نىسانادا ۇستايدى. اتالعان جارقىن جەتىستىكتەر جاس ۋنيۆەرسيتەتتىڭ ءبىلىم بەرۋ دەڭ­گەيىنىڭ, عىلىمي بەلسەندىلىگىنىڭ ارتا تۇسكەندىگىنىڭ, الەمدىك ستان­دارت­تارعا ساي قارقىندى دامىپ كەلە جاتقاندىعىنىڭ ايقىن كورىنىسى. اباي تىلەنشيەۆ, ل.ن. گۋميلەۆ اتىنداعى ەۇۋ جۋرناليستيكا جانە ساياساتتانۋ فاكۋلتەتىنىڭ ستۋدەنتى.