تاراز قالاسىندا وتكەن «ماڭگىلىك ەل» پاتريوتتىق اكتسياسىنا ەكى مىڭ ادام قاتىستى
قازاق ەلى ۇلتتىق بولمىسىمەن ەرەك, رۋحاني قازىناسىمەن باي, حالقىنىڭ بىرلىگىمەن قۋاتتى, استاناسىمەن اسقاق, ەگەمەندىگىمەن ەڭسەلى. مىنە, وسىنداي قاستەرلى قۇندىلىقتاردى «ماڭگىلىك ەل» يدەياسى كەمەل كەلەشەكپەن استاستىرا ءتۇستى.
ەلباسى نۇرسۇلتان نازارباەۆتىڭ بيىلعى جولداۋىنان باستاۋ العان بۇل ۇلى يدەيا جامبىل وڭىرىندە كەڭىنەن قولداۋ تاۋىپ, ءتۇرلى يگى باستامالارعا ۇيىتقى بولىپ وتىر. وبلىس اكىمى كارىم كوكىرەكباەۆتىڭ قاتىسۋىمەن وبلىس ورتالىعىندا دۇركىرەپ ءوتكەن كەڭ كولەمدى «ماڭگىلىك ەل» پاتريوتتىق اكتسياسى سونىڭ ءبىر دالەلى.
اكتسياعا 2 مىڭ ادام قاتىستى. وڭىردەن ءوسىپ-ونگەن زيالى قاۋىم, ەتنومادەني بىرلەستىكتەر وكىلدەرى جانە رۋحى بيىك ۇلاندار ەلىمىزدى ۇلىقتايتىن ۇلى باعدار – «ماڭگىلىك ەل» يدەياسىن كوڭىلدەرگە قانات بىتىرەتىن ءان-جىرلارىمەن, مىڭ بۇرالعان بيلەرىمەن, كۇمبىرلەگەن كۇيلەرىمەن بارىنشا پاش ەتۋگە اتسالىستى. ءبىز, ءتىپتى, «تاراز-ارەنا» كەشەنىندەگى اكتسيانى تاماشالاۋعا اعىلعان قاراپايىم حالىقتىڭ نۇرلى جۇزدەرىنەن دە ۇلى ەلدىككە دەگەن ىڭكارلىكتىڭ ىزگى سەزىمدەرىن بايقادىق.
قازاق ەلىنىڭ ءبىر پۇشپاعى, تاريحى تەرەڭ تاراز – اۋليەاتا – جامبىل ءوڭىرى قاشاندا باق-بەرەكەنىڭ باستاۋى, ىرىس پەن ىنتىماقتىڭ التىن بەسىگى بولعان. كەمەل ويلى حاندارىمىز كەرەي مەن جانىبەك قازاق ەلىنىڭ تۋىن العاش رەت كوتەرگەن ولكەدەن حالقىمىزدىڭ ماقتانىشى بولعان تۇرار رىسقۇلوۆ, باۋىرجان مومىش ۇلى, شەرحان مۇرتازا, شونا سماحان ۇلى جانە قايرات رىسقۇلبەكوۆ سياقتى كوپتەگەن قايسار رۋحتى تۇلعالارى تۇلەپ ۇشتى. ولار كەڭەس وداعىنا بودان بولعان كەزدىڭ وزىندە تۋعان ەل, تۋعان جەر جانە تۋعان ءتىل تۋراسىندا ەرەن ەرلىك كورسەتىپ, بۇگىنگى جاستار بويىنداعى پاتريوتتىق رۋحتى جانيتىن قايراققا اينالدى. دەمەك, ءور رۋحتى ازاماتتاردىڭ ونەگەلى ءىسى تاۋەلسىز ەلدە ءوسىپ كەلە جاتقان سالاماتتى ۇرپاقپەن ءوز ساباقتاستىعىن تاۋىپ, كەڭ قانات جايۋى زاڭدى قۇبىلىس.
پاتريوتتىق اكتسيانىڭ ماقساتى ايقىن. ول جۇرتتى قازاق ەلىنىڭ وركەنيەتتى 30 ەلدىڭ قاتارىنا ەنۋى جولىنداعى باستامالاردى ءبىلىممەن, عىلىممەن جانە يننوۆاتسيالىق تۇرعىداعى قارىشتى دامۋ ارقىلى قولداۋعا شاقىرۋ. سول جولدا سونى سەكىرىس جاساپ, باس بىرىكتىرۋ. سوندىقتان قۋاتتى ەلدەگى شۋاقتى ءومىردى پاش ەتىپ, «بىرلىك ءتۇبى – بەرەكە» ەكەنىن ۇلىقتاعان اكتسيادان الداعى كۇندەردەگى الار اسۋلارىمىزدى بولجاپ, ارقالانىپ قايتتىق.
كوسەمالى ساتتىباي ۇلى,
«ەگەمەن قازاقستان».
تاراز.
ەلباسى نۇرسۇلتان نازارباەۆتىڭ بيىلعى جولداۋىنان باستاۋ العان بۇل ۇلى يدەيا جامبىل وڭىرىندە كەڭىنەن قولداۋ تاۋىپ, ءتۇرلى يگى باستامالارعا ۇيىتقى بولىپ وتىر. وبلىس اكىمى كارىم كوكىرەكباەۆتىڭ قاتىسۋىمەن وبلىس ورتالىعىندا دۇركىرەپ ءوتكەن كەڭ كولەمدى «ماڭگىلىك ەل» پاتريوتتىق اكتسياسى سونىڭ ءبىر دالەلى.
اكتسياعا 2 مىڭ ادام قاتىستى. وڭىردەن ءوسىپ-ونگەن زيالى قاۋىم, ەتنومادەني بىرلەستىكتەر وكىلدەرى جانە رۋحى بيىك ۇلاندار ەلىمىزدى ۇلىقتايتىن ۇلى باعدار – «ماڭگىلىك ەل» يدەياسىن كوڭىلدەرگە قانات بىتىرەتىن ءان-جىرلارىمەن, مىڭ بۇرالعان بيلەرىمەن, كۇمبىرلەگەن كۇيلەرىمەن بارىنشا پاش ەتۋگە اتسالىستى. ءبىز, ءتىپتى, «تاراز-ارەنا» كەشەنىندەگى اكتسيانى تاماشالاۋعا اعىلعان قاراپايىم حالىقتىڭ نۇرلى جۇزدەرىنەن دە ۇلى ەلدىككە دەگەن ىڭكارلىكتىڭ ىزگى سەزىمدەرىن بايقادىق.
قازاق ەلىنىڭ ءبىر پۇشپاعى, تاريحى تەرەڭ تاراز – اۋليەاتا – جامبىل ءوڭىرى قاشاندا باق-بەرەكەنىڭ باستاۋى, ىرىس پەن ىنتىماقتىڭ التىن بەسىگى بولعان. كەمەل ويلى حاندارىمىز كەرەي مەن جانىبەك قازاق ەلىنىڭ تۋىن العاش رەت كوتەرگەن ولكەدەن حالقىمىزدىڭ ماقتانىشى بولعان تۇرار رىسقۇلوۆ, باۋىرجان مومىش ۇلى, شەرحان مۇرتازا, شونا سماحان ۇلى جانە قايرات رىسقۇلبەكوۆ سياقتى كوپتەگەن قايسار رۋحتى تۇلعالارى تۇلەپ ۇشتى. ولار كەڭەس وداعىنا بودان بولعان كەزدىڭ وزىندە تۋعان ەل, تۋعان جەر جانە تۋعان ءتىل تۋراسىندا ەرەن ەرلىك كورسەتىپ, بۇگىنگى جاستار بويىنداعى پاتريوتتىق رۋحتى جانيتىن قايراققا اينالدى. دەمەك, ءور رۋحتى ازاماتتاردىڭ ونەگەلى ءىسى تاۋەلسىز ەلدە ءوسىپ كەلە جاتقان سالاماتتى ۇرپاقپەن ءوز ساباقتاستىعىن تاۋىپ, كەڭ قانات جايۋى زاڭدى قۇبىلىس.
پاتريوتتىق اكتسيانىڭ ماقساتى ايقىن. ول جۇرتتى قازاق ەلىنىڭ وركەنيەتتى 30 ەلدىڭ قاتارىنا ەنۋى جولىنداعى باستامالاردى ءبىلىممەن, عىلىممەن جانە يننوۆاتسيالىق تۇرعىداعى قارىشتى دامۋ ارقىلى قولداۋعا شاقىرۋ. سول جولدا سونى سەكىرىس جاساپ, باس بىرىكتىرۋ. سوندىقتان قۋاتتى ەلدەگى شۋاقتى ءومىردى پاش ەتىپ, «بىرلىك ءتۇبى – بەرەكە» ەكەنىن ۇلىقتاعان اكتسيادان الداعى كۇندەردەگى الار اسۋلارىمىزدى بولجاپ, ارقالانىپ قايتتىق.
كوسەمالى ساتتىباي ۇلى,
«ەگەمەن قازاقستان».
تاراز.
