وپەراتسيا قىلمىستىق قۇرىلىمدا جالدانعان اگەنتتىڭ ارقاسىندا مۇمكىن بولعان.
«بۇگىن تاڭەرتەڭ 1600 پوليتسيا قىزمەتكەرى, ونىڭ ىشىندە شەكارا پوليتسياسى مەن ارنايى جاساقتىڭ ساربازدارى رەيد جاساپ, 25 ەلدى مەكەننەن 64 كۇدىكتىنى قاماۋعا الۋ وپەراتسياسىن جاسادى», دەلىنگەن قۇقىق قورعاۋ ۆەدومستۆوسىنىڭ ءباسپاسوز قىزمەتىنىڭ حابارلاماسىندا.
وپەراتسيا بارىسىندا يزرايلگە كونتراباندالىق جولمەن كەلگەن نەمەسە تساحال اسكەري بازالارىنان ۇرلانعان كوپتەگەن قارۋ-جاراق پەن وق-دارىلەر تاركىلەندى.
وپەراتسيا 2020 جىلدىڭ تامىزىندا پوليتسيا جالداعان قىلمىستىق توپ مۇشەسىنىڭ ارقاسىندا ىسكە اسىرىلعان. سوڭعى ءبىر جىل ىشىندە ول 4 ميلليون شەكەلگە جۋىق قارۋ-جاراق پەن وق-دارىلەردى ساتىپ الۋ بويىنشا 48 مامىلە جاسادى, ونىڭ ىشىندە پۋلەمەت, مىلتىقتار مەن تاپانشالار ساتىپ الىندى.
«بۇل – قۇپيا وپەراتسيا. ءبىز ەكى جىل بۇرىن ەلدىڭ سولتۇستىك وكرۋگىندە دايىندىقتى باستادىق. ءبىز قوعامداعى زورلىق-زومبىلىق, قىلمىسپەن كۇرەسۋدەمىز», دەپ پوليتسيانىڭ ءباسپاسوز قىزمەتى مالىمدەدى.
پوليتسيا بۇل يزرايل تاريحىنداعى تۇتقىندالعان ساۋداگەرلەر مەن تاركىلەنگەن قارۋلار سانى بويىنشا ەڭ ۇلكەن وپەراتسيا ەكەنىن ايتادى.
