شاعىن بيزنەستى قولداۋ ارتا ءتۇستى

شىمكەنتتە «شاعىن بيزنەسكە ارنالعان 100 جوبا» اتتى انىق­تامالىق كىتاپتىڭ تۇساۋى كەسىلدى. ەلىمىزدە تۇڭعىش رەت جارىق كورگەن بۇل تۋىندىدا ءار سالانى قامتيتىن 100 شاعىن بيزنەس-جوسپار جاريالانعان. وندا كاسىپتى باستاۋعا قارجى تابۋ كوزدەرى, كاسىپكەرلىككە بايلانىستى مەملەكەتتىك باعدار­لامالاردىڭ شارتتارى, قۇرال-جابدىق­تاردى جەتكىزۋ مەن قامتاماسىز ەتۋ, بيزنەستى وقىتۋ سياقتى اقپاراتتار جان-جاقتى قامتىلعان. ماماندار بولاشاقتا كىتاپتى قازاق تىلىنە اۋدارىپ, تارالىمىن 50 مىڭ داناعا دەيىن جەتكىزۋدى كوزدەپ وتىر. شاعىن بيزنەسكە ارنالعان جاڭا جوبالار «بيزنەستىڭ جول كارتاسى-2020», «جۇمىسپەن قامتۋ جول كارتاسى-2020» باعدارلامالارى اياسىندا قارجىلاندىرىلماق. كىتاپتا كورسەتىلگەن جوبالاردى حالىققا جەتكىزىپ, ولاردىڭ جۇزەگە اسىرىلۋىنا مۇمكىندىك جاساۋ ءۇشىن ارنايى بيزنەس مەكتەپتەرىن اشۋ دا جوسپاردا بار. «بيزنەس مەكتەپتەرىنىڭ ىشىندە كاسىپ­كەرلەرگە قىزمەت كورسەتۋ ورتا­لىعى بولادى. وندا جەكە كاسىپكەرلىك اشۋ, سالىق جاعىنان كومەكتەسۋ, زاڭ تۇرعىسىنان تۋىنداعان سۇراقتارعا جاۋاپ بەرۋ, كاسىپكەرلىكتى دامىتۋعا قاجەتتى قارجىنى تابۋعا جاردەمدەسۋ سىندى ماسەلەلەردىڭ بارلىعى قاراستىرىلاتىن بولادى», – دەيدى وبلىستىق كاسىپكەرلەر پالاتاسىنىڭ ديرەكتورى نۇرجان التاەۆ. ايدار ورىسباەۆ, «ەگەمەن قازاقستان».