تاۋەلسىزدىكتىڭ 30 جىلدىعى • 08 قاراشا، 2021

تاۋەلسىزدىكتىڭ 30 جىلدىعىنا وراي 30 گرانت بەرىلمەك

416 رەت كورسەتىلدى

«ۇلتتىق رۋحاني جاڭعىرۋ» ۇلتتىق جوبا­سىندا جاستار ماسەلەسىنە ەرەكشە نازار اۋدارىلعان. وسى ورايدا اق­پا­رات جانە قوعامدىق دامۋ مي­نيس­تر­لىگى جاستار جانە وتباسى ىستەرى كوميتەتىنىڭ توراعاسى شاحماردان بايمانوۆ اتالعان جوبا اياسىنداعى جاس­تار ماسەلەسى مەن ولاردىڭ ءومىر ساپاسىن، قوعامدىق ومىردەگى بەلسەندىلىگىن ارت­تىرۋعا قاتىستى شارالار تۋرالى ايتىپ بەردى.

– «ۇلتتىق رۋحاني جاڭعىرۋ» ۇلت­تىق جوباسى تۋرالى ايتىپ وت­سەڭىز.

– ۇلتتىق جوبا – جان-جاقتى ۆەدوم­ستۆو­ارالىق ءوزارا ءىس-قيمىلدى جانە جالپىۇلتتىق باسىمدىقتارعا، قا­زاقستان رەسپۋبليكاسىنىڭ ۇلت­تىق دامۋ، ەلدىڭ اۋماقتىق دامۋ جوسپار­لا­رىنىڭ ماقساتتارىنا، مىندەتتەرى مەن ستراتەگيالىق كورسەتكىشتەرىنە جانە مەم­لەكەتىمىزدىڭ ۇلتتىق دامۋ جوس­پا­رىنىڭ ينديكاتورلارىنا قول جەت­كى­زۋگە، سونداي-اق پرەزيدەنت اي­قىن­دا­عان جەكەلەگەن مىندەتتەردى بەلگى­لەن­گەن مەرزىمدەردە شەشۋگە باعىت­تال­عان ءىس-شارالار كەشەنىن ىسكە اسىرۋدى كوزدەيدى.

اتاپ ايتقاندا، جاستار ءۇشىن جاڭا مۇمكىندىكتەردى دامىتۋ، ولاردى الەۋ­مەت­­­تەندىرۋ جانە جۇمىسقا ورنالاستىرۋ، قوعامدىق پايدالى قىزمەتكە تارتۋ سياق­تى ناقتى مىندەتتەر بەلگىلەنگەن «تا­ۋەلسىزدىك ۇرپاقتارى» باعىتىنا باسا نازار اۋدارعىم كەلەدى.

ءبىرىنشى مىندەتتە 2025 جىلعا دەيىن 800 مىڭ جاستىڭ تۇرعىن ءۇي جيناقتارى جۇ­يەسىن جاستارعا تۇرعىن ءۇي قۇرىلىس جي­ناقتارى جۇيەسى بويىنشا سالىمداردى تولىقتىرۋ جانە اكىمدىكتەرمەن بىر­لەسىپ جەڭىلدىكتى يپوتەكالىق باعدار­لا­مالاردى ەنگىزۋ جانە «وتباسى بانك» تقجب»-نىڭ ءوز ونىمدەرىن ازىرلەۋ ءۇشىن بىرىڭعاي زەينەتاقى تولەمدەرىن پاي­دالانۋ مۇمكىندىگىن بەرۋ ارقىلى پى­سىق­تاۋ كوزدەلەدى.

بۇ­گىنگى كۇنى بەيىندى مەملەكەتتىك ورگان­دار وسى تەتىكتى زاڭنامالىق تۇر­عى­دا بەكىتۋ بويىنشا جۇمىس جۇرگى­زۋدە، ونىڭ قورىتىندىسىندا جاستار كەيىن­نەن تۇرعىن ءۇي ساتىپ الۋ ماق­سا­تىندا «وت­باسى بانك» شوتىنا ەڭ تومەن­گى جەت­كىلىكتىلىك شەگىنەن جوعارى زەينەت­اقى جيناقتارىنىڭ ءبىر بولىگىن اۋدارۋ مۇم­ك­ىندىگىنە يە بولادى.

سونداي-اق اكىمدىكتەرمەن بىرلە­سىپ جە­ڭىل­دەتىلگەن يپوتەكالىق باعدارلاما­لار­دى ەنگىزۋ جانە «وتباسى بانك» تقجب»-نىڭ ءوز ونىمدەرىن ازىرلەۋ جوس­پار­­لانۋدا.

بۇدان باسقا، تۇرعىن ءۇي قۇرىلىسى باعدارلامالارىندا جاس وتباسىلار ءۇشىن كۆوتا ەنگىزۋ ارقىلى بارلىق تۇر­عىن ءۇي قۇرىلىسى باعدارلامالارى بو­يىن­شا جاس وتباسىلارعا ارنالعان قا­رىز­­دار ۇلەسىن 2025 جىلعا قاراي 25%-عا دەيىن ارتتىرۋ كوزدەلىپ وتىر.

اتالعان تۇرعىن ءۇي باعدار­لا­ما­لا­رى­نىڭ بىرىڭعاي وپەراتورى «وتباسى بانك» بولماق. اتالعان ءىس-شارالاردى ىسكە اسىرۋ بۇگىنگى كۇنى جاستار اراسىندا وزەك­تى ماسەلەلەردىڭ ءبىرىن شەشۋگە مۇم­كىن­دىك بەرەتىنىن اتاپ وتكەن ءجون.

ەكىنشى مىندەت شەڭبەرىندە 2025 جىل­­­عا قاراي جاستارعا الەۋمەتتىك قىز­مەت كورسەتۋدى 1 ميلليون ادامعا دەيىن جانە Eljastary ينفوناۆيگاتورىنا قا­تى­سۋ دەڭگەيىن 2 ميلليون ادامعا دە­يىن ارتتىرۋ كوزدەلۋدە.

وسىلايشا، جاستار ينفوناۆيگاتورى مەن Eljastary ءموبيلدى قوسىمشاسىن جا­ساۋ جاستارعا مەملەكەتتىك قولداۋدىڭ بار­لىق شاراسىن بىرىڭعاي پلاتفورماعا جي­ناۋعا مۇمكىندىك بەرەدى، بۇل ءوز كەزە­گىن­دە مەملەكەتتىك جاستار ساياساتى­نىڭ ستراتەگيالىق باعىتتارىن ساپالى ىلگە­رى­­لەتۋگە، تالدامالىق سۇيەمەلدەۋگە جول اشادى جانە تۇتاستاي العاندا جاس­تار­­دىڭ مەملەكەتتىك قولداۋ شارالا­رى تۋرا­لى حاباردار بولۋ دەڭگەيىن ارتتى­را­دى.

سونداي-اق جىل سايىن «تاۋەلسىزدىك ۇرپاقتارى» 30 گرانتىن بەرۋ ارقىلى جاستاردى جاڭا ستارتاپ-جوبالارعا تارتۋ جوسپارلانۋدا.

ءۇشىنشى مىندەتتە ەرىكتى قىزمەتكە تار­تىلعان وقۋشىلاردىڭ ۇلەسىن ارتتىرۋ، جاستاردى ەكولوگيالىق جوبالارمەن جانە سپورتپەن قامتۋ بويىنشا شارالار جوسپارلانعان.

وسىلايشا، بارلىق مىندەت ينديكا­تيۆ­تى ناتيجەلەرگە قول جەتكىزۋگە جانە جو­بالىق باسقارۋ ەرەجەلەرىن ەنگىزۋگە با­عىتتالعان.

– ءسىز ەكولوگيالىق جوبالار تۋرالى ايتىپ ءوتتىڭىز. سوڭعى ۋاقىتتا ەكو­لو­گيا ماسەلەسى وزەكتى بولىپ وتىر. «ۇلت­تىق رۋحاني جاڭعىرۋ» ۇلت­تىق ج­و­باسىندا جاستاردىڭ ەكولوگيا­لىق مادەنيەتىن ارتتىرۋعا باعىت­تال­عان قانداي دا ءبىر ءىس-شارالار قاراس­تى­رىل­عان با؟

– ءيا، كەلىسەمىن. ەكولوگيالىق ءبىلىم بەرۋ ماسەلەلەرى، وكىنىشكە قاراي، سوڭ­عى جىلدارى وزەكتى بولىپ وتىر. بۇگىن قو­عام ەكولوگيالىق ءبىلىم مەن تاربيەنى دا­مىتۋ كەرەك دەگەن پىكىردە ەكەنىن كورىپ وتىرمىز. بۇل ماسەلەنى شەشۋ ءۇشىن كەشەندى جانە جۇيەلى ءتاسىل قاجەت. سو­نىمەن قاتار جۇرگىزىلگەن الەۋ­مەت­تىك زەرتتەۋلەر ەكولوگيالىق مادە­نيەت جاس­تاردىڭ وتباسى، ازاماتتىق بەل­سەن­دىلىك، ەرىكتىلىك جانە سالاماتتى ءومىر سال­تى سياقتى قۇندىلىقتار قاتارىنا كىرە­تى­نىن كورسەتتى.

ۇلتتىق جوبا شەڭبەرىندە 2025 جىلعا قاراي جاستاردى ەكولوگيالىق جو­بالارمەن قامتۋ دەڭگەيىن 800 مىڭ ادامعا دەيىن ارتتىرۋعا مۇمكىندىك بە­رە­تىن ءىس-شارالار قاراستىرىلعان.

بۇل – مەكتەپتەر مەن جوعارى وقۋ ورىن­دارىندا وسكەلەڭ ۇرپاققا ەكولو­گيا­­لىق تاربيە بەرۋ ماقساتىندا ەكولو­گيا­­لىق مادەنيەتتى قالىپتاستىرۋ ج­ونىن­­دەگى ءىس-شارالار كەشەنىن وتكىزۋ جو­­نىن­دەگى جۇمىستار.

سونداي-اق قازاق فولكلورىنداعى تابيعاتقا قاتىستى قىزىق اڭىزدارىن دا­رىپتەۋ ارقىلى قورشاعان ورتانى قورعاۋ جانە وعان قۇرمەتپەن قاراۋ جو­نىندەگى «كيەلى تابيعات» عىلىمي-اعار­تۋشىلىق بەينە-جوباسىن جاساۋ كوزدەلىپ وتىر.

بۇدان باسقا «جاسىل ەل» جوباسى شەڭبەرىندە 2025 جىلعا دەيىن جىل سايىن 30 مىڭ جاستى جۇمىسقا تۇر­عىزۋ كوزدەلىپ وتىر، بۇل ەلىمىزدى كوگال­دان­دىرۋ ماقساتىندا مەملەكەت باس­شىسىنىڭ ەلدى مەكەندەردە 15 ملن اعاش وتىر­عىزۋ باستاماسىن ىسكە اسىرۋعا مۇم­كىندىك بەرەدى.

تۇتاستاي العاندا، جاستاردى ەكولو­گيا­لىق اعارتۋ جونىندەگى قىزمەتتى اق­پا­رات جانە قوعامدىق دامۋ مينيستر­لىگى جۇيەلى تۇردە جۇرگىزەتىن بولادى.

– «تاۋەلسىزدىك ۇرپاقتارى» گرانتى تۋرالى تولىعىراق ايتىپ بەرسەڭىز.

– بۇل گرانت «ەگەمەن قازاقستان» گا­زە­تىندە 2021 جىلعى 5 قاڭتاردا جاريا­لان­عان «تاۋەلسىزدىك بارىنەن قىمبات» ماقالاسىندا ايتىلعان مەملەكەت باسشىسىنىڭ تاپسىرماسىن ورىنداۋ ماقساتىندا تاعايىندالدى.

گرانتتى تاعايىنداۋدىڭ ماقساتى – بەل­سەندى شىعارماشىل جاستار قا­ۋىمداستىعىن قالىپتاستىرۋعا باعىت­تال­عان جاستاردىڭ جاڭا جانە قولدا­نىس­تاعى باستامالارىن قولداۋ.

3 ميلليون تەڭگە كولەمىندەگى 30 گرانت كونكۋرستىق نەگىزدە قازاقستان رەس­پۋب­ليكاسىنىڭ 14 پەن 29 جاس ارا­لى­عىنداعى ازاماتتارىنا مىناداي با­عىت­تار بويىنشا بەرىلەدى:

«عىلىم» – عىلىمنىڭ باسىم سەكتورلارىندا جاڭا عىلىمي جوبالار مەن زەرتتەۋلەردى ىسكە اسىرۋ ءۇشىن;

«مادەنيەت» – قازاقستاننىڭ مادەني مۇراسىن تانىمال ەتۋگە، حالىق­تىق ما­دەني داستۇرلەر مەن ونەردى ىلگەرى­لەتۋگە باعىتتالعان جوبالاردى ىسكە اسىرۋ ءۇشىن;

«اقپاراتتىق تەحنولوگيالار» – جاڭا IT-شەشىمدەر مەن جوبالاردى، ونىڭ ىشىندە باستاۋشى ستارتاپ-جوبالاردى ىسكە اسىرۋ جانە ازىرلەۋ ءۇشىن;

«بيزنەس» – ەكونوميكانىڭ باسىم سەكتورلارىندا جاڭا بيزنەس-يدەيالاردى ىسكە اسىرۋ ءۇشىن.

«مەديا» – جاڭا مەديا-جوبالاردى، ونىڭ ىشىندە جاستار ءۇشىن تانىمدىق، پايدالى، قىزىق كونتەنت جاساۋ جونىن­دە­گى جوبالاردى ىسكە اسىرۋ ءۇشىن.

تاۋەلسىزدىكتىڭ 30 جىلدىعىن مەرەكەلەۋ قارساڭىندا 30 جەڭىمپازدى سالتاناتتى ماراپاتتاۋ جوسپارلانعان.

– NEET ساناتىنداعى جاستاردىڭ سا­­نىن ازايتۋ – مەملەكەتتىك سايا­سات­تىڭ باسىمدىقتارىنىڭ ءبىرى.  جاس­تار­­­دىڭ وسى ساناتىمەن جۇمىس ىس­تەۋ ءۇشىن قان­داي شارالار قاراس­تى­رىل­عان؟

– اقپارات جانە قوعامدىق دامۋ مينيسترلىگى مەملەكەت باسشىسىنىڭ تاپسىرماسىنا سايكەس جاستار ساياساتى سالاسىنداعى زاڭنامانى جەتىلدىرۋ بو­­يىنشا جۇمىس جۇرگىزۋدە. جالپى، ەلدە جاستاردىڭ وسى ساناتىمەن جۇمىس ىستەۋ ءۇشىن ينستيتۋتسيونالدىق بازا قۇرىلىپ، ونى الەۋمەتتەندىرۋ جانە جۇمىسپەن قامتۋ جونىندەگى باعدارلامالار مەن جو­بالار ىسكە اسىرىلۋدا.

اتاپ ايتقاندا، 2021 جىلى NEET ساناتىنداعى جاستارمەن جۇمىس جونىن­دە­گى رەسپۋبليكالىق جوبالىق كەڭسە قۇرىلدى. سونداي-اق وڭىرلەردەگى جاس­تار رەسۋرستىق ورتالىقتارىندا NEET سانا­تىنداعى جاستارمەن جۇمىس جونىن­دە­گى ارنايى بولىمدەر اشىلدى.

قازىرگى ۋاقىتتا وڭىرلەردە NEET ساناتىنداعى جاستاردىڭ دەرەكتەر بازاسىن وزەكتەندىرۋ بويىنشا جۇمىس جۇر­گىزىلۋدە.

اتاپ ايتقاندا، ۇلتتىق ستاتيستيكا بيۋروسىنىڭ دەرەكتەرى بويىنشا، بيىلعى 2 توقساننىڭ قورىتىندىسىندا NEET جاستارىنىڭ ۇلەسى 6،6%-دى قۇ­را­عان. 2020 جىلعى 2-توقسانمەن سا­لىس­­تىرعاندا 1%-عا تومەندەۋ باي­قالادى.

«ۇلتتىق رۋحاني جاڭعىرۋ» ۇلتتىق جوباسىندا «تاۋەلسىزدىك ۇرپاقتارى» باعىتى شەڭبەرىندە 2025 جىلعا قاراي NEET ساناتىنداعى جاستاردى 5%-عا دەيىن تومەندەتۋ كوزدەلگەن.

 

اڭگىمەلەسكەن سۆەتلانا عالىمجانقىزى،

«Egemen Qazaqstan»

سوڭعى جاڭالىقتار

15169 ادام كوروناۆيرۋس جۇقتىردى

كوروناۆيرۋس • بۇگىن، 09:17

ۇقساس جاڭالىقتار