«پروباتسيالىق باقىلاۋدى دامىتۋ ءۇشىن ەلەكتروندى بىلەزىكتەر ەنگىزىلۋدە. بيىل ءبىز بۇل جۇمىستى تىرناقالدى جوبا رەتىندە باستايمىز. ءبىرىنشى كەزەكتە 2022 جىلعى 1 قاڭتاردان باستاپ پەدوفيلدەرگە قاتىستى قولدانىلادى», دەدى ەرلان تۇرعىمباەۆ.
سونىمەن قاتار ول سىبايلاس جەمقورلىققا قارسى ناقتى ءىس-شارالار قابىلدانعانىن ايتتى.
«جەمقورلىقتى جويۋ ءۇشىن ازاماتتارمەن تىكەلەي بايلانىس ازايدى. كولىك جۇرگىزۋ كۋالىگىن بەرۋ جانە ەمتيحان قابىلداۋ فۋنكتسيالارى «ازاماتتارعا ارنالعان ۇكىمەت» مەملەكەتتىك كورپوراتسياسىنا بەرىلدى. تىركەۋ-ەمتيحان ورتالىقتارى جويىلدى. پوليتسيا قىزمەتكەرلەرى كولىك قۇرالدارىنىڭ كريمينالدىق تاريحىن عانا تەكسەرەدى. قازاقستاندا 30 تاۋلىككە دەيىن بولاتىن شەتەل ازاماتتارىن تىركەۋ توقتاتىلدى. ەلەكتروندىق ۆيزالار ەنگىزىلدى. تىكەلەي حالىقارالىق اۋەجايلارعا كىرۋ ۆيزالارىن بەرۋ ۇيىمداستىرىلدى», دەدى مينيستر.
ەرلان تۇرعىمباەۆ كوشى-قون سالاسىنداعى كەيبىر قىزمەت ەڭبەك جانە الەۋمەتتىك قورعاۋ مينيسترلىگىنە بەرىلگەنىن اتاپ ءوتتى.
«قالا سىرتىنداعى «شەپ» ستاتسيونارلىق بەكەتتەرىنىڭ سانى 36-دان 6-عا دەيىن قىسقاردى. ولار تەك شەكارالاس اۋدانداردا قالدى. جول قوزعالىسىن قاداعالاۋ ارنايى باقىلاۋ جۇيەلەرى ارقىلى بايلانىسسىز ادىسپەن جۇزەگە اسىرىلادى. بارلىق پاترۋلدىك قىزمەتكەرلەر بەينەتىركەگىشپەن جابدىقتالعان», دەدى ول.
