«اقپارات مينيسترلىگى باق سالاسىنداعى اعىمداعى جاعدايدى, حالىقارالىق تاجىريبەنى زەردەلەپ, زاڭناماعا ءوز تۇزەتۋلەرىن دايىنداۋدا. جاڭا زاڭدى ازىرلەۋدىڭ ماقساتى - وتاندىق باق-تىڭ باسەكەگە قابىلەتتىلىگىن ارتتىرۋ ءۇشىن قولايلى جاعداي جاساۋ جانە جۋرناليستەردىڭ قۇقىقتارىن قورعاۋ», دەدى كەمەلبەك ويشىباەۆ.
ونىڭ ايتۋىنشا, مينيسترلىك ءوز الدىنا كەلەسى مىندەتتەردى قويادى:
- شەت ەلدەردىڭ باق سالاسىنداعى حالىقارالىق تاجىريبەسىن جانە ولاردى قولدانۋ پراكتيكاسىن زەردەلەۋ;
- وتاندىق زاڭنامانى ء«سوز بوستاندىعى» ماسەلەلەرىن رەتتەيتىن حالىقارالىق قۇقىق نورمالارىنا سايكەس كەلتىرۋ;
- اقپارات قۇرۋ, الۋ جانە تاراتۋ پروتسەستەرىمەن بايلانىستى قوعامدىق قاتىناستاردى رەتتەۋ;
- باق ماسەلەلەرىن رەتتەيتىن قر قولدانىستاعى زاڭناماسىنداعى ولقىلىقتار مەن قايشىلىقتاردى جويۋ.
«قازىر مينيسترلىكتە زەردەلەنىپ جاتقان جانە ءبىزدىڭ كوزقاراسىمىز بويىنشا زاڭنامانى جەتىلدىرۋ قاجەت ماسەلەلەرگە توقتالعىم كەلەدى. ولاردىڭ كەيبىرەۋى بويىنشا بىزدە پايىمداۋ قالىپتاسقان, بىراق ول جۇرتشىلىقپەن, سونداي-اق باسقا دا مەملەكەتتىك ورگاندارمەن كەلىسىلۋى ءتيىس», دەپ تۇيىندەدى ق.ويشىباەۆ.
