باس پروكۋراتۋرادا ماڭىزدى مەموراندۋمعا قول قويىلدى

بۇگىن, 21 اقپان كۇنى استانادا باس پروكۋروردىڭ ورىنباسارى اندرەي كراۆچەنكو مەن قازاقستان ينتەرنەت اسسوتسياتسياسىنىڭ پرەزيدەنتى ءوزارا ىنتىماقتاستىق جونىندەگى مەموراندۋمعا قول قويدى. ماڭىزدى باسقوسۋدا ا. كراۆچەنكو ۇكىمەتتىك ەمەس ۇيىمدارمەن بىرلەسە قولعا الىناتىن ىستەردى جانە ينتەرنەت جەلىسىندەگى اقپاراتتاردى جۇيەلەۋ قاجەتتىگىن اتاپ ءوتتى. وندا جاريالاناتىن ماتەريالدار ەلدىڭ تىنىشتىعىن بۇزباۋى, جاستاردى جاعىمسىز ارەكەتتەرگە يتەرمەلەمەۋى ءتيىس. بۇل رەتتە ەكسترەميزمدى جانە ناپسىقۇمارلىقتى ناسيحاتتاۋعا قاتاڭ تىيىم سالىنادى. پروكۋراتۋرا ورگاندارى  وسى ۋاقىت ارالىعىنا دەيىن مەملەكەتتىك قۇرىلىمدارمەن بىرلەسىپ, 90 000 اسا ينتەرنەت-رەسۋرستارعا مونيتورينگ جۇرگىزدى. بۇل ءىس نەگىزىنەن 2011 جىلدان باستاپ قولعا الىنعان بولاتىن. انىقتالعان زاڭ بۇزۋشىلىق بويىنشا قاجەتتى شارالار قابىلداندى. بۇل جولعى كەزدەسۋ بارىسىندا تاراپتار حالىقارالىق تاجىريبە جونىندە وي ءبولىسىپ, ماڭىزدى باعدارلامالاردىڭ ءتيىمدى ورىندالۋى قاجەتتىگىنە باسىمدىق بەردى. ءامىرحان الماعانبەتوۆ. دەرەككوز: باس پروكۋراتۋرانىڭ ءباسپاسوز قىزمەتى. فوتو: باس پروكۋراتۋرانىڭ ءباسپاسوز قىزمەتى.