ءماجىلىس سپيكەرى نۇرلان نىعماتۋلين اتاپ وتكەندەي, پالاتا دەپۋتاتتارى ءبىرىنشى وقىلىمدا سالىق كودەكسىنە زاڭنامالىق تۇزەتۋلەر مەن ونى قولدانىسقا ەنگىزۋ تۋرالى زاڭدى تالقىلاۋى ءتيىس.
پارلامەنتاريلەر ازىرلەگەن زاڭ جوباسىندا, اتاپ ايتقاندا, كامەرالدىق باقىلاۋ ناتيجەلەرى بويىنشا سالىق داۋلارىن رەتتەۋدىڭ مىندەتتى سوتقا دەيىنگى ءتارتىبىن ەنگىزۋ ۇسىنىلادى, بۇل ازاماتتاردىڭ سوت تالقىلاۋلارى شەڭبەرىنە تارتىلۋىن تومەندەتۋگە مۇمكىندىك بەرەدى.
ءماجىلىس ءبىرىنشى وقىلىمدا قۇقىق قورعاۋ ورگاندارى, پروكۋراتۋرا مەن سوت اراسىنداعى وكىلەتتىكتەر مەن جاۋاپكەرشىلىك ايماقتارىنىڭ اراجىگىن اجىراتا وتىرىپ, ءۇش بۋىندى مودەلدى ەنگىزۋ ماسەلەلەرى بويىنشا زاڭنامالىق تۇزەتۋلەردى قارايدى.
پالاتانىڭ الداعى جالپى وتىرىسىنىڭ كۇن ءتارتىبىنىڭ جوباسىنا بىرقاتار راتيفيكاتسيالىق زاڭ جوبالارىن تالقىلاۋ دا ەنگىزىلدى. بۇل قازاقستاننىڭ قىرعىزستانمەن جانە تاجىكستانمەن وتەۋسىز اسكەري-تەحنيكالىق كومەك كورسەتۋ تۋرالى, سونداي-اق تاجىكستانمەن تاجىك-اۋعان شەكاراسىنىڭ ىرگەلەس اۋداندارىندا قاۋىپسىزدىكتى قامتاماسىز ەتۋدە اسكەري-تەحنيكالىق جاردەم كورسەتۋ تۋرالى كەلىسىمدەرى.
دەپۋتاتتار ادام قۇقىقتارى جونىندەگى ۋاكىلگە جانە ونىڭ قىزمەتىنە قاتىستى زاڭ جوبالارىن ەكىنشى وقىلىمدا قارايدى.
بۇدان باسقا, ءولىم جازاسى ماسەلەلەرى بويىنشا قىلمىستىق كودەكسكە تۇزەتۋلەردى ەكىنشى وقىلىمدا قاراۋ جوسپارلانعان.
