شقو كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ مالىمەتىنشە, وبلىس ورتالىعىندا جىل باسىنان بەرى ءسابىز, كارتوپ, قىرىققابات, پياز, كۇنباعىس مايى, تاۋىق ەتى, قاراقۇمىق جارماسى, قانت باعاسى قىمباتتاعان.
كاسىپكەرلىك باسقارماسى باسشىسىنىڭ ورىنباسارى ولگا گريگورەۆا اتاپ وتكەندەي, وڭىردە باعا مونيتورينگى جۇرگىزىلىپ, ولاردى تۇراقتاندىرۋ بويىنشا ءتۇرلى شارالار قابىلدانۋدا. ۇن, قانت, جۇمىرتقا, كوكونىس باعالارىن تۇراقتاندىرۋ ءۇشىن «اينالىم سحەماسى» شەڭبەرىندە «كرۋپنوفف» جشس, «اگروفيرما «پريرەچنوە» جشس, «Semey Qus» جشس كومپانيالارىنا قارىز بەرىلدى. ولاردىڭ ونىمدەرى «ەرتىس» الەۋمەتتىك-كاسىپكەرلىك كورپوراتسياسىنىڭ ساۋدا پاۆيلوندارىندا وسكەمەن جانە سەمەي قالالارىندا تىركەلگەن باعالار بويىنشا ساتىلادى. «ەرتىس» اكك ارقىلى قوسىمشا 3 مىڭ توننا كارتوپ, 400 توننا ءسابىز جانە وزگە ونىمدەر وتكەرىلەدى.
«2 700 كوتەرمە ساتۋشىمەن, اۋىل شارۋاشىلىعى تاۋارىن وندىرۋشىلەرمەن جانە ساۋدا وبەكتىلەرىمەن ەڭ تومەنگى جەتى پايىزدىق ساۋدا ۇستەمەسىن قولدانۋ تۋرالى مەموراندۋمدار جاسالدى. ال 1 سۇرىپتى ۇن, نان, كۇنباعىس مايى, قاراقۇمىق جارماسى باعاسىن تۇراقتاندىرۋ ءۇشىن وبلىس اكىمدىگى مەن «ازىق-ت ۇلىك كەلىسىم شارت كورپوراتسياسى» ۇلتتىق كومپانياسى اراسىندا 20 مىڭ توننا بيداي استىعىن, 9 مىڭ توننا كۇنباعىس تۇقىمىن, 6 مىڭ توننا قاراقۇمىق تاپسىرۋ بويىنشا مەموراندۋم جاسالدى», دەپ اتاپ ءوتتى ولگا گريگورەۆا.
جالپى, شىعىس قازاقستان بويىنشا 44 الەۋمەتتىك دۇكەن جانە 465 الەۋمەتتىك بۇرىش جۇمىس ىستەيدى, وندا نەگىزگى الەۋمەتتىك ماڭىزى بار ازىق-ت ۇلىك تاۋارلارى ەڭ تومەنگى ساۋدا ۇستەمەسىن قولدانا وتىرىپ ساتىلادى.
ءوڭىر كاسىپكەرلەرىمەن ساتىپ الۋ باعاسىنىڭ 15 پايىزىنان اسپايتىن شەكتى ساۋدا ۇستەمەسىنىڭ مولشەرىن ساقتاۋ بولىگىندە زاڭناما نورمالارىن ءتۇسىندىرۋ بويىنشا جۇمىس جۇرگىزىلۋدە.
