كۇن تارتىبىندە – كەلىسىم جوباسى

تاياۋدا مينسكىدە ەۋرازيالىق ەكونوميكالىق كوميسسيا كەڭەسىنىڭ وتىرىسى ءوتتى. وعان قازاقستاندىق دەلەگاتسيانى پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆ باستاپ باردى, دەپ حابارلادى پرەمەر-ءمينيستردىڭ ءباسپاسوز قىزمەتى. كۇن تارتىبىندەگى ەڭ نەگىزگى ماسەلە ەۋرازيالىق ەكونوميكالىق وداق تۋرالى كەلىسىمنىڭ جوباسىن دايىنداۋ ماسەلەسىن تالقىلاۋ بولدى. مەملەكەت باسشىلارىنىڭ تاپسىرماسى بويىنشا كەلىسىمدەگى ءبىزدىڭ ارىپتەس ەلدەرمەن بىرلەسكەن قىزمەتىمىزدىڭ شەشۋشى ساتتەرى, سونداي-اق, مەملەكەتتەردىڭ ءوزارا ءتيىمدى مۇددەلەرىن قاناعاتتاندىرۋعا جانە ينتەگراتسيانى ودان  ءارى دامىتۋعا باعىتتالعان ەرەجەلەر قاراستىرىلۋدا, دەدى وتىرىس قورىتىندىسىندا ب.ساعىنتاەۆ. اتاپ ايتقاندا, تاراپتار ساۋدا ساياساتى, تەحنيكالىق رەتتەۋ, سانيتارلىق-فيتوسانيتارلىق شارالار سالالارىن قاراستىردى. سونداي-اق, باسقوسۋدا قارجى رىنوگىن دامىتۋدىڭ كوكەيكەستى باعىتتارى, كەدەن وداعى مەن ءبىرتۇتاس ەكونوميكالىق كەڭىستىككە مۇشە مەملەكەتتەردىڭ ونەركاسىپ جانە اگروونەركاسىپ كەشەنى سالالارىنداعى ءوزارا ءىس-قيمىلىن تەرەڭدەتۋ ماسەلەلەرى تالقىلاندى. بۇتىندەي العاندا, ءبىز كەدەن وداعى مەن ءبىرتۇتاس ەكونوميكالىق كەڭىستىك شەڭبەرىندە العا قويىلعان ماقساتتارعا قول جەتكىزۋدە ىلگەرى قاراي ۇلكەن قادام جاسادىق, دەپ اتاپ ءوتتى ب.ساعىنتاەۆ. وسى كۇنى, ەەك كەڭەسى وتىرىسىنا قاتىسۋ شەڭبەرىندە پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆ كەدەن وداعىنا مۇشە مەملەكەتتەر دەلەگاتسيالارى باسشىلارىمەن بىرگە بەلارۋس رەسپۋبليكاسىنىڭ پرەزيدەنتى الەكساندر لۋكاشەنكومەن بولعان كەزدەسۋگە قاتىستى. كەزدەسۋدە ەۋرازيالىق ەكونوميكالىق كوميسسيا كەڭەسىنىڭ كۇن ءتارتىبى تالقىلانىپ, سونىمەن بىرگە, كەدەن وداعى مەن ءبىرتۇتاس ەكو­نوميكالىق كەڭىستىك شەڭبەرىندەگى ەكو­نو­­ميكالىق ينتەگراتسيا جانە ءوزارا ءىس-قي­مىلداردىڭ كوكەيكەستى ماسەلەلەرى بويىنشا پىكىر الماسىلدى.