بۇل تۋرالى ريا نوۆوستي ءمالىم ەتتى.
«جەر بەتىندە ماسكەۋ ۋاقىتىمەن تاڭعى ساعات 1-دە (نۇر-سۇلتان ۋاقىتى بويىنشا 4:00-دە) كەيىنگى جىلدارداعى ەڭ كۇشتى ماگنيتتىك داۋىلداردىڭ ءبىرى باستالدى. كەيىنگى كۇندەرى باياۋ تومەندەگەن گەوماگنيت بەلسەندىلىك يندەكسى ءتۇن ورتاسىنان كەيىن بىردەن 7-دەڭگەيگە كوتەرىلدى (ەڭ جوعارى ءمان - 9), بۇل 5 بالدىق شكالا بويىنشا ءۇشىنشى دەڭگەيدەگى ماگنيتتىك داۋىلعا سايكەس كەلەدى», دەلىنگەن حابارلامادا.
عالىمدار بولجامى بويىنشا, جەردەگى ماگنيت ءورىسىنىڭ تۇراقسىزدىعى كەم دەگەندە 2-3 كۇن ساقتالادى, دەگەنمەن قازىرگى ماكسيمۋمعا قايتا جەتۋى ەكىتالاي.
ماگنيتتىك داۋىل نۇر-سۇلتان ۋاقىتى بويىنشا 15-18 ساعاتتان كەشىكپەي اياقتالۋى كەرەك.
فيزيكتەردىڭ ايتۋىنشا, كۇن جالىنىنىڭ جىلدامدىعى سەكۋندىنا 400-دەن 800 مەترگە, ال پلانەتاارالىق پلازمانىڭ تىعىزدىعى 100 ەسەگە جۋىق ارتقان.
«بۇعان دەيىن كەيىنگى ءتورت جىلدا بىردەي دەڭگەيدە ءتورت داۋىل تىركەلگەن: بيىل 12 مامىردا, 2019 جىلى 14 مامىردا, 2018 جىلى 26 تامىزدا جانە 2017 جىلى 28 قىركۇيەكتە. وسى ۋاقىت ىشىندە باسقا ماڭىزدى قۇبىلىستار بايقالعان جوق», دەدى زەرتتەۋ ورتالىعى وكىلدەرى.
