قۇجاتتارىن تەكسەرۋ كەزىندە پوليتسيا قىزمەتكەرلەرى 56 جاستاعى جۇرگىزۋشىدەن الكوگولدىڭ وتكىر ءيىسىن بايقاعان. مەديتسينالىق كۋالاندىرۋعا سايكەس كولىك جۇرگىزۋشىسىنىڭ ماس كۇيىندە بولعانى انىقتالعان.
جول-كولىك وقيعاسى سالدارىنان بويجەتكەن دەنە جاراقاتىن الىپ, قالالىق اۋرۋحاناعا جەتكىزىلدى. مەديتسينالىق كومەك كورسەتىلگەننەن كەيىن بويجەتكەن ۇيىنە جىبەرىلدى. اتالعان فاكتى بويىنشا انىقتاۋ جۇمىستارى جۇرگىزىلۋدە.
ءدال سول كۇنى تۇنگى ۋاقىتتا ءبىر كۋاگەردەن پوليتسياعا «تويوتا كامري» ماركالى اۆتوكولىگىنىڭ يەسى ماساڭ كۇيىندە رولگە وتىرعانى جايلى حابارلاما كەلىپ تۇسكەن. اتالعان 25 جاستاعى ءتارتىپ بۇزۋشىنى ۇستاعان ءسات پوليتسيا قىزمەتكەرىنىڭ بەينەتىركەۋ قۇرالىنا جازىلىپ الىنعان. مەديتسينالىق كۋالاندىرۋعا سايكەس ونىڭ كولىكتى جەڭىل دارەجەدەگى ماس كۇيىندە باسقارعانى بەلگىلى بولعان.
ءۇش تاۋلىكتىڭ ىشىندە ەلوردالىق پوليتسەيلەر تاراپىنان 5 ماس جۇرگىزۋشى ۇستالىپ بارلىعى سوت الدىنداعى جاۋاپقا تارتىلعان. قر اقبتك-ءنىڭ 608-بابىنا سايكەس, كولىك قۇرالىن ماس كۇيىندە باسقارعانى ءۇشىن اكىمشىلىك سوتتىڭ شەشىمىمەن ءتارتىپ بۇزۋشىلار 15 تاۋلىك مەرزىمگە قاماۋعا الىنىپ, جەتى جىل مەرزىمگە جۇرگىزۋشى كۋالىگىنەن ايىرىلدى. اۆتوكولىكتەر كوممۋنالدىق تۇراققا ورنالاستىرىلدى.
نۇر-سۇلتان قالاسىنىڭ پوليتسيا دەپارتامەنتى جول قوزعالىسى ەرەجەلەرىن بۇزعانى ءۇشىن جاۋاپكەرشىلىككە تارتىلاتىنى تۋرالى ەسكەرتەدى جانە ازاماتتاردى بەلسەندى ازاماتتىق ۇستانىم تانىتۋعا شاقىرادى. جۇرگىزۋشىلەردىڭ زاڭسىز ارەكەتتەرىن, اتاپ ايتقاندا ماساڭ كۇيىندە كولىك باسقارعان جۇرگىزۋشىلەردىڭ كۋاگەرلەرىنە پوليتسيا نومىرىنە نەمەسە «102» ءموبيلدى قوسىمشاسىنا حابار بەرۋدى سۇرايدى.
