«جىل باسىنان بەرى ەسىرتكىمەن بايلانىستى قىلمىستىق تەرىس قىلىقتاردىڭ 90 دەرەگى انىقتالدى. وسىعان وراي ەسىرتكى قىلمىسىن انىقتاۋ بويىنشا ءتيىستى جۇمىستار جۇرگىزىلگەن بولاتىن. اتقارىلعان ءىس-شارالاردىڭ ناتيجەسىندە, وبلىس كولەمىندە ەسىرتكىنى ناسيحاتتاۋ جانە جارنامالاردىڭ 2 دەرەگى تىركەلىپ, ولار دەر كەزىندە جويىلدى. الەۋمەتتىك جەلى ارقىلى سينتەتيكالىق ەسىرتكىنى تاراتۋ دەرەكتەرىن انىقتاۋ ماقساتىندا دەپارتامەنتتىڭ قىزمەتكەرلەرى قالا كولەمىندە رەيدتىك ءىس-شارالار جۇرگىزدى. تيىسىنشە, وبلىس ورتالىعىندا سينتەتيكالىق ەسىرتكى جاسىرىلعان 75 نۇكتە تابىلدى. ولار بويىنشا 3 قىلمىستىق تەرىس قىلىق انىقتالىپ, 72 دەرەك بويىنشا ساراپتاما تاعايىندالدى. اۋقىمدى ءىس-شارالاردىڭ بارىسىندا اتالعان قىلمىستى جاساعان قىزىلوردا قالاسىنىڭ تۇرعىنى قۇرىقتالدى.
رەسپۋبليكا كولەمىندە 1 ماۋسىم – 30 قازان ارالىعىندا وتكىزىلگەن «قاراسورا-2021» جەدەل پروفيلاكتيكالىق ءىس-شاراسى كەزىندە ەسىرتكى ءوسىرۋدىڭ 41 دەرەگى تىركەلدى. اتاپ ايتقاندا, 16 دەرەك دالالىق ايماقتان, 25 دەرەگى ءۇي اۋلاسىنان جانە ساياجايدان تابىلدى. ەسىرتكى وسىرگەنى ءۇشىن بارلىعى 52 ازامات ۇستالدى. وقيعا ورنىنان بارلىعى 14 مىڭ تۇپتەن اساتىن سورا وسىمدىگى جويىلدى», – دەدى ەركىن قارجاۋباي ۇلى.
ايتا كەتەتىن ءجايت, تامىز ايىنان باستاپ قۇمدى دالالىق ايماقتارعا 21 رەت اۋەدەن شولۋ جۇمىستارى جۇرگىزىلگەن. بىرلەسكەن ءىس-شارانىڭ بارىسىندا ەسىرتكى القابىنىڭ 8 دەرەگى انىقتالىپ, ەسىرتكىنى اسا ءىرى مولشەردە ساقتاۋدىڭ 4 دەرەگى انىقتالدى.
