ءيا, بۇل 1حۆەت بۋكمەكەرلىك كەڭسەسىنىڭ بولجامى. بۋكمەكەرلىك كەڭسە جارتىلاي فينالدا باق سىنايتىن ءتورت قازاق بوكسشىسىنىڭ جەكپە-جەكتەرىنە قاتىستى كوەففيتسيەنتتەردى جاريالادى.
ولار 48 كيلو سالماقتاعى تەمىرتاس ءجۇسىپوۆتىڭ جەڭىسىنە ەش كۇمان كەلتىرمەيدى. بەلورۋسسيا بوكسشىسى ەۆگەني كارميلچيكپەن وتەتىن شايقاستا كەڭسە قازاق وعلانىنىڭ جەڭىسىنە 1,05 كوەففيتسيەنت ۇسىنسا, تاي بوكسشىسى تانارات ساەنگفەتپەن قولعاپ تۇيىستىرەتىن 51 كيلوداعى سايىپقىرانىمىز ساكەن بيبوسىنوۆتىڭ جەڭىسىنە دە ءدال سونداي كوەففيتسيەنت ۇسىنعان.
جالپى بۋكمەكەرلىك كەڭسە ءتورت بوكسشىمىزعا قاتىستى بولجام جاساسا, تورتەۋىندە دە قازاق وعلاندارىن فاۆوريت دەپ تانىعان. 54 كيلو سالماقتاعى ماحمۇد سابىرحان ءۇندى ورەنى اكاش كۋماردى جەڭەدى دەگەنگە 1,29 كوەففيتسيەنت بەرسە, 67 كيلو سالماقتاعى ابىلايحان ءجۇسىپوۆ جاپون ورەنى سەۆونرەتس وكادزاۆانى ۇتادى دەگەنگە 1,57 كوەففيتسيەنت ۇسىنىپتى.
