الەم • 04 قاراشا، 2021

ددسۇ كوروناۆيرۋسقا قارسى تاعى ءبىر ۆاكتسينانى ماقۇلدادى

96 رەت كورسەتىلدى

دۇنيەجۇزىلىك دەنساۋلىق ساقتاۋ ۇيىمى توتەنشە جاعدايلاردا Bharat Biotech كومپانياسىنىڭ كورونوۆيرۋسقا قارسى ءۇندى ۆاكتسيناسى Covaxin-دى قولدانۋعا رۇقسات بەردى، دەپ حابارلايدى Egemen.kz.

بۇل تۋرالى ريا نوۆوستي ءمالىم ەتتى.

«ددسۇ Bharat Biotech ازىرلەگەن Covaxin ۆاكتسيناسىن پايدالانۋعا رۇقسات بەردى. ددسۇ شاقىرعان جانە الەم ەلدەرىنىڭ ساراپشىلارىنان تۇراتىن تەحنيكالىق كەڭەس بەرۋ توبى بۇل ۆاكتسينا ددسۇ-نىڭ COVID-19-دان قورعاۋ ستاندارتتارىنا سايكەس كەلەدى، سونىمەن قاتار، ۆاكتسينانىڭ پايداسى الدەقايدا جوعارى، بۇكىل الەمدە قولدانۋعا بولادى دەپ شەشتى»، دەلىنگەن ۇيىمنىڭ Twitter-دەگى حابارلاماسىندا.

ددسۇ 18 جاستان اسقان ادامدار ءۇشىن ءتورت اپتا ارالىقپەن Covaxin پرەپاراتىنىڭ ەكى دوزاسىن قولدانۋدى ۇسىنادى.

كلينيكالىق زەرتتەۋلەردىڭ ءۇشىنشى كەزەڭىنىڭ ناتيجەلەرى بويىنشا Bharat Biotech ۆاكتسيناسى ايقىن بەلگىلەرى بار COVID-19-عا قارسى 77،8 پايىز تيىمدىلىك، اۋرۋدىڭ اۋىر تۇرلەرىنە قارسى 93،4 پايىز تيىمدىلىك، ال سيمپتومسىز تۇرلەرىنە قارسى 63،6 پايىز تيىمدىلىك، «دەلتا» شتامىنا قارسى دا وسىنداي ۇقساس ناتيجە كورسەتتى.

Covaxin 16 ەلدە تىركەلگەن، 50 مەملەكەتتە ۆاكتسينانى ماقۇلداۋ پروتسەسى ءجۇرىپ جاتىر. ءۇندىستاننىڭ وزىندە كومپانيا ءتورت نىساندا ۆاكتسينا ءوندىرىسىن جولعا قويىپ، 1 ميلليارد دوزا «جىلدىق قۋاتتىلىققا» جەتۋ ءۇشىن ودان ءارى كەڭەيتۋدى جوسپارلاپ وتىر.

جۇكتىلىك كەزىندە پرەپاراتتى قولدانۋ تۋرالى دەرەكتەر ءالى جەتكىلىكسىز، زەرتتەۋلەر جۇرگىزۋ جوسپارلانىپ وتىر.

 

سوڭعى جاڭالىقتار

سىردىڭ سۋى تومەندەپ بارادى

ايماقتار • بۇگىن، 17:27

دوللار ارزاندادى

قارجى • بۇگىن، 16:56

الماتى ماڭىندا جەر سىلكىندى

ايماقتار • بۇگىن، 16:38

قازاقستاندا ەت قىمباتتادى

قوعام • بۇگىن، 15:10

ەلىمىزدە كيىك سانى كوبەيىپ كەلەدى

قازاقستان • بۇگىن، 14:41

ۇقساس جاڭالىقتار