ۇكىمەت • 03 قاراشا، 2021

ەرالى توعجانوۆ الماتىدا زيالى قاۋىم وكىلدەرىمەن كەزدەستى

63 رەت كورسەتىلدى

الماتىعا جۇمىس ساپارى بارىسىندا قر پرەمەر-ءمينيسترىنىڭ ورىنباسارى ەرالى توعجانوۆ «ۇلتتىق رۋحاني جاڭعىرۋ» ۇلتتىق جوباسىن تالقىلاۋ بويىنشا عىلىمي-شىعارماشىلىق زيالى قاۋىممەن كەزدەسۋ وتكىزدى، دەپ جازادى Egemen.kz.

كەزدەسۋگە شىعارماشىلىق جانە اكادەميالىق سالانىڭ، قوعامدىق كەڭەستىڭ، قازاقستان حالقى جانە جاستار اسسامبلەياسىنىڭ وكىلدەرى، سونداي-اق اقپارات جانە قوعامدىق دامۋ ءمينيسترى ايدا بالاەۆا، مادەنيەت جانە سپورت ءمينيسترى اقتوتى رايىمقۇلوۆا، الماتى قالاسى اكىمىنىڭ ورىنباسارى ەرجان باباقۇماروۆ، ءبىلىم جانە عىلىم ءبىرىنشى ۆيتسە-ءمينيسترى شولپان كارينوۆا قاتىستى.

مەملەكەت باسشىسى قاسىم-جومارت توقاەۆتىڭ «ۇلتتىق جوبالار تىزبەسىن بەكىتۋ تۋرالى» جارلىعىمەن بەكىتىلگەن ۇلتتىق قۇندىلىقتار مەن داستۇرلەردى، مادەني دەڭگەيدى ارتتىرۋ جانە زاماناۋي قوعامدى رۋحاني جەتىلدىرۋ، قر تۇڭعىش پرەزيدەنتى-ەلباسى نۇرسۇلتان نازارباەۆتىڭ باعدارلامالىق ماقالاسىندا كورىنىس تاپقان «رۋحاني جاڭعىرۋ» قۇندىلىقتارىن جانە «ۇلتتىق رۋحاني جاڭعىرۋ» ۇلتتىق جوباسىن ىلگەرىلەتۋ ماسەلەلەرىنە نازار اۋدارىلدى.

بۇگىندە ەلىمىزدە 10 ناقتى ۇلتتىق جوبا بەلگىلەنگەن، ونىڭ ىشىندە «ۇلتتىق رۋحاني جاڭعىرۋ» جوباسى دا بار. جوبانىڭ ماقساتى – ۇلتتىق-مادەني بىرەگەيلىكتى ساقتاۋ جانە مادەني ونىمدەردى ىنتالاندىرۋ، ولاردىڭ ساپاسى مەن الۋان تۇرلىلىگىن ارتتىرۋ ارقىلى ءاربىر قازاقستاندىقتىڭ كوركەمدىك-شىعارماشىلىق الەۋەتىن ىسكە اسىرۋ، جاس ۇرپاقتىڭ بويىندا رۋحاني ادامگەرشىلىك قۇندىلىقتاردى قالىپتاستىرۋ، سونداي-اق مەملەكەتتىك ءتىلدىڭ قولدانىلۋ اياسىن كەڭەيتۋ، وتاندىق مادەني ونىمدەردى ىلگەرىلەتۋ، ونىڭ ىشىندە بىرىڭعاي ەلەكتروندىق پلاتفورما قۇرۋ ارقىلى «e-culture.kz» ۇلتتىق جوبالاردى ىسكە اسىرۋ ەكونوميكانىڭ ورنىقتىلىعى مەن باسەكەگە قابىلەتتىلىگىن ودان ءارى ارتتىرۋدىڭ، قازاقستاندىقتاردىڭ ءومىر ءسۇرۋ ساپاسىن جاقسارتۋدىڭ فاكتورىنا اينالادى.

الماتىدا «رۋحاني جاڭعىرۋ» باعدارلاماسى اياسىندا اعىمداعى جىلدىڭ 9 ايىندا 347 جوبا جۇزەگە اسىرىلدى. « ۇلى دالانىڭ جەتى قىرى» ماقالاسى اياسىندا 80-نەن استام ءىس-شارا جۇزەگە اسىرىلدى، ولاردىڭ كوپشىلىگى دالانىڭ ۇلى تاريحي قايراتكەرلەرىنىڭ ءومىرىن، مۇراسىن ناسيحاتتاۋ بويىنشا ءوتتى. كىتاپحانالار بازاسىندا « ۇلى دالانىڭ ۇلى ەسىمدەرى» ارنايى جوباسىن قامتيتىن 105 دامىتۋ ۇيىرمەسى جۇمىس ىستەيدى. «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق». جاڭا ارنايى جوبالاردى ىسكە اسىرۋ باستالدى: پراگماتيزمدى، ۇتىمدى داعدىلاردى تاربيەلەۋگە، مادەني مۇرانى زەردەلەۋگە جانە ت.ب. باعىتتالعان 67 ءىس-شارا وتكىزىلدى، سونىمەن قاتار، قالانىڭ بارلىق كوللەدجدەرى مەن كوپتەگەن مەكتەپتەرىندە «رۋحاني جاڭعىرۋ» باعدارلاماسى اياسىندا جەكە تۇلعانى دامىتۋعا باعىتتالعان ءىس-شارالاردى وتكىزۋگە جاۋاپتى تۇلعالار انىقتالدى.

كەزدەسۋگە قاتىسۋشىلار ءوز سوزدەرىندە مادەني ينفراقۇرىلىمدى ودان ءارى دامىتۋ، ۇلتتىق قۇندىلىقتاردى مەديا ونىمدەر مەن كينونىڭ ءتۇرلى فورماتتارىندا ىلگەرىلەتۋ، مەملەكەتتىك تىلدە ءبىلىم بەرۋ كونتەنتىن ارتتىرۋ ماسەلەلەرى بويىنشا بىرقاتار ۇسىنىستار ايتتى.

تالقىلاۋعا قر جازۋشىلار وداعىنىڭ توراعاسى ۇلىقبەك ەسداۋلەت، قر كينەماتوگرافيستەر وداعىنىڭ باسقارما توراعاسى ەرمەك تۇرسىنوۆ، «قازاقستاندىق اۆتورلىق قوعام» رقب توراعاسى، قر كومپوزيتورلار وداعىنىڭ قۇرمەتتى ءتورايىمى بالنۇر قادىربەك، م. اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ ديرەكتورى ەركىن جۋاسبەك، ش. ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى زيابەك قابىلدينوۆ، جازۋشىلار وداعىنىڭ مۇشەسى سماعۇل ەلۋباەۆ، م. لەرمونتوۆ اتىنداعى ۇلتتىق اكادەميالىق ورىس دراما تەاترىنىڭ ديرەكتورى يۋري ياكۋشەۆ، اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ ەكس-رەكتورى تاكير بالىقباەۆ، لينگۆيست انار فازىلجان قاتىستى.

ءوز كەزەگىندە، مەملەكەتتىك ورگاندار وكىلدەرى «ۇلتتىق رۋحاني جاڭعىرۋ» ۇلتتىق جوباسى اياسىنداعى جۇمىستىڭ نەگىزگى باعىتتارىن ءتۇسىندىرىپ، كوتەرىلگەن ماسەلەلەرگە تۇسىنىكتەمە بەردى.

كەزدەسۋ سوڭىندا ەرالى توعجانوۆ عىلىمي-شىعارماشىلىق زيالى قاۋىم وكىلدەرىنە مادەني قۇرامداس بولىكتى دامىتۋعا، ەلدىڭ شىعارماشىلىق الەۋەتىن ارتتىرۋعا قوسقان ۇلەسى ءۇشىن العىس ءبىلدىرىپ، مەملەكەتتىك ورگاندارعا ۇلتتىق جوبالاردى، ونىڭ ىشىندە كەزدەسۋ بارىسىندا ايتىلعان ۇسىنىستاردى ەسكەرە وتىرىپ، ساپالى ىسكە اسىرۋ ءۇشىن ءوزارا ءىس-قيمىلدى كۇشەيتۋ جونىندە بىرقاتار تاپسىرمالار بەردى.

سوڭعى جاڭالىقتار

ۇقساس جاڭالىقتار