الەۋمەتتىك جەلىدە كەي تۇرعىندار ەكىنشى كۇننەن بەرى جارىقسىز وتىرعاندارىن ايتىپ شاعىمداندى. ەلەكتر قۋاتى پەتروپاۆلدىڭ 19-شى, بەنزوستروي, حرومزاۋىت ىقشام اۋداندارىندا, جۇمىسشى كەنتىندە عانا ەمەس, وبلىستىڭ تاعى بىرنەشە ەلدى مەكەنىندە سوندىرىلگەن. كەيبىرى تاڭەرتەڭگى ساعات 10.00-دەن بەرى جارىقسىز وتىرعاندارىن جازدى.
«سەۆكازەنەرگو» اق ءباسپاسوز قىزمەتىنىڭ مالىمەتىنشە, 1 قاراشا كۇنى پەتروپاۆل 2-جەو ءۇش قازاندىق اگرەگاتى ىستەن شىقتى. سالدارىنان ستانساداعى جۇكتەمە تومەندەپ كەتكەن. قۋات تاپشىلىعى تۋىنداپ, سالدارىنان نىسانداردى ەلەكتر ەنەرگياسىنان اجىراتۋعا تۋرا كەلدى. قالىپتاسقان جاعدايدى رەتتەۋ ءۇشىن جۇيەلىك وپەراتور كاسىپورىندى وقشاۋلانعان جۇمىسقا شىعارۋعا بۇيرىق بەردى. ءوڭىردىڭ 5 اۋدانى - م.جۇماباەۆ, مامليۋت, ەسىل, جامبىل جانە شال اقىن اۋداندارىنىڭ ەلدى مەكەندەرى ءىشىنارا جارىقسىز قالدى. قازىرگى ۋاقىتتا پەتروپاۆل 2-جەو ستانسا جۇمىسىن قالىپقا كەلتىرۋ ماقساتىندا تاۋلىك بويى جوندەۋ جۇمىستارىن جۇرگىزىپ جاتىر.
«سولتۇستىك قازاقستان رەك» اق جۇيەلىك وپەراتورىنىڭ كومانداسى بويىنشا 20 مينۋت ىشىندە 30 مۆت جۇكتەمە الىنىپ تاستالادى. سالدارىنان تيميريازەۆ جانە جامبىل اۋداندارىندا ەلەكترمەن جابدىقتاۋ شەكتەلەدى. سونداي-اق ەسىل, اققايىڭ, قىزىلجار اۋداندارى مەن م.جۇماباەۆ اۋداندارىندا جارىق جوق. پەتروپاۆلدا جۇمىسشى كەنتىنىڭ تۇتىنۋشىلارى, مۇسىرەپوۆ جانە اۋەزوۆ كوشەلەرىنىڭ تۇرعىندارى, ءىشىنارا مالوە بەلوە ەلدى مەكەنى, بەنزوستروي جانە حرومزاۆود شاعىن اۋداندارى, سونداي-اق 19 شاعىن اۋدان تۇتىنۋشىلارىنىڭ ءبىر بولىگى ەلەكتر قۋاتىنسىز وتىر. بۇل جاعداي قالالىق جىلۋ جەلىلەرىنىڭ جۇمىسىنا دا اسەر ەتتى. جىلۋ-ەلەكتر ستانساسىنان شىعاتىن ىستىق سۋدىڭ تەمپەراتۋراسى 3-5 %-عا تومەندەپ, جىلىتۋ جۇيەسىنە دە اسەر ەتتى.
ەنەرگەتيكتەر كاسىپورىن جۇمىسىن قالىپقا كەلتىرۋ ءۇشىن ءتيىستى ءىس-شارالاردى قولعا الدى.
