وتىرىس بارىسىندا مينيستر 58-ءشى مەكتەپتە بولعان وقيعانى ەسكە ءتۇسىردى. قازان ايىنىڭ باسىندا كوروناۆيرۋس ۆاكتسيناسىنا قارسى بەلسەندى اينا باكەەۆا مەن ونىڭ سەرىكتەستەرى مەكتەپكە كىرىپ, جانجال شىعارعان بولاتىن.
ء«بىز وسىنداي جاعدايلار ءۇشىن كۇزەت قويۋعا ارنايى تاپسىرما بەردىك. بولعان جاعداي ماسەلەنىڭ تولىق شەشىلمەگەنىن كورسەتتى. سوندىقتان قاراشانىڭ ەكىنشى جارتىسىندا قوسىمشا رەسپۋبليكالىق تەكسەرىس جۇرگىزىلەدى. قاجەتتى ۋاقىت بەرىلدى, قاراجات ءبولىندى, پروبلەمانى شەشۋگە مۇمكىندىك بار. تاعى دا قايتالايمىن, ەڭ ماڭىزدى ماسەلە – بالالاردىڭ قاۋىپسىزدىگى», دەدى مينيستر.
ايتا كەتەرى, الەۋمەتتىك جەلىدە تاراعان ۆيدەودا بىرنەشە ايەل مەكتەپ وقۋشىلارىنا ءبىلىم مەكەمەسىندە ۆاكتسينا سالىنىپ جاتقانىن ايتقان, ول اتا-انالار چاتتارىن دۇرلىكتىردى.
ەلوردانىڭ ءبىلىم باسقارماسى 58-ءشى مەكتەپتىڭ ديرەكتورى وقيعا كەزىندە ورنىندا بولماعانىن حابارلادى. ول قالالىق اكىمدىكتەگى جينالىسقا كەتكەن. وقيعادان كەيىن مەكتەپ اكىمشىلىگى اينا باكەەۆا مەن مەكتەپكە باسا-كوكتەپ كىرگەن باسقا دا ايەلدەردىڭ ۇستىنەن شاعىم ءتۇسىردى. ايتۋلارىنشا, ولار كۇزەتشى مەن مەديتسينا قىزمەتكەرىن ۇرىپ-سوعىپ, جالعان اقپارات تاراتقان.
