باتىس قازاقستان وبلىسىنىڭ جاستار ساياساتى ماسەلەلەرى باسقارماسى قولداپ, «عاسىر» جاستار قوعامدىق بىرلەستىگى ۇيىمداستىرعان جاس كۇيشىلەر جارىسىنا قاتىسۋشىلار از بولمادى. وسىنىڭ ءوزى كوڭىلگە قۋانىش ۇيالاتتى. جاقىندا عانا پايدالانۋعا بەرىلگەن اقشاڭقان «اتامەكەن» ونەر ورداسىندا وتكەن كۇي باسەكەسى قازاقستان رەسپۋبليكاسى تاۋەلسىزدىگىنىڭ 30 جىلدىق مەرەيتويىنا ورايلاستىرىلدى. شارا ەلىمىزدەگى كۇيشىلىك ونەردى وسكەلەڭ ۇرپاققا, ونەرسۇيەر جۇرتشىلىققا كەڭىنەن ناسيحاتتاۋ, جاس تالانتتار مەن شەبەر ورىنداۋشىلاردى انىقتاۋ, دارىندى ونەرپازداردىڭ كاسىبي شەبەرلىكتەرىن ارتتىرۋ ماقساتىندا ۇيىمداستىرىلعان. بايقاۋ بارىسىندا جاستارعا ۇلتتىق قۇندىلىقتاردى ناسيحاتتاۋ ماقساتىندا ارنايى ۇلتىق قولونەر تۇرلەرىنەن كورمە ۇسىنىلدى.
«كۇي – تەكتىلىك تەرەڭى!» اتتى وبلىستىق جاس كۇيشىلەر سايىسى 2 كەزەڭنەن تۇردى. ىرىكتەۋ كەزەڭىنەن ىركىلمەي وتكەن ەڭ ۇزدىك جاس كۇيشىلەر فينالدىق باسەكەدە سىنعا ءتۇستى. جەڭىمپازدار 14-18 جانە 19-29 جاس ارالىعىنداعى ەكى توپ بويىنشا انىقتالدى.
سونىمەن سايىس ناتيجەسىندە 14-18 جاس ارالىعى بويىنشا جۇلدەلى I ورىندى – ناۋرىزبەك كۇزەنباەۆ, II ورىندى – ەرنەست قايىرجانوۆ, III ورىندى ايزادا قيباشوۆا يەلەندى. ەرەكشە ونەرىمەن كوزگە تۇسكەن جۇلدىز ناريمانوۆا مەن ءمادينا قادىرعاليەۆاعا «كورەرمەن كوزايىمى» جۇلدەلەرى بۇيىردى. ال 19-29 جاس ارالىعى بويىنشا I ورىن سىيلىعى قايرات بايقۇتتىعا بۇيىردى. جۇلدەلى ءىى-III ورىندى قىدىرنياز ەگىنعالي مەن تەمىرلان سىراليەۆ ءوزارا ءبولىستى. «كورەرمەن كوزايىمى» اتالىمىنا بەكزات رامازان مەن نۇراي ۇمبەتوۆا لايىق دەپ تانىلدى. ۇزدىكتەرگە ارنايى ديپلوم, ەستەلىك سىيلىق جانە قارجىلاي سەرتيفيكات تابىس ەتىلدى.
باتىس قازاقستان وبلىسى
