كوروناۆيرۋس • 01 قاراشا، 2021

اقپان ايىنان باستاپ وڭىرلەرگە 19 ملن-نان استام ۆاكتسينا جەتكىزىلدى

38 رەت كورسەتىلدى

قر پرەمەر-ءمينيسترىنىڭ ورىنباسارى ەرالى توعجانوۆ حالىقتى كوروناۆيرۋستىق ينفەكتسياعا قارسى ۆاكتسيناتسيامەن قامتۋ تۋرالى ايتتى، دەپ حابارلايدى Egemen.kz.

«ەلىمىزدە ۇجىمدىق يممۋنيتەتتى قۇرۋ ءۇشىن 2021 جىلدىڭ قازان ايىندا كۆي-عا قارسى ۆاكتسيناتسيالاۋعا جاتاتىن ماقساتتى توپ الەمدىك تاجىريبەنى ەسكەرە وتىرىپ، حالىقتى 60%-دان استام جالپى قامتۋ ماقساتىندا جىل سوڭىنا دەيىن 11،39 ملن ادامعا دەيىن ۇلعايدى»، دەپ جازدى ەرالى توعجانوۆ دەپۋتاتتىق ساۋالعا بەرگەن جاۋابىندا.

ونىڭ ايتۋىنشا، وڭىرلەرگە 19 ميلليوننان استام دوزا جەتكىزىلدى.

«2021 جىلدىڭ اقپان ايىنان باستاپ ەلىمىزدىڭ وڭىرلەرىنە 19،2 ميلليوننان استام دوزا ۆاكتسينا جەتكىزىلدى، ونىڭ ىشىندە ءى كومپونەنتتى ەنگىزۋ ءۇشىن 9،7 ميلليون دوزا ۆاكتسينا جانە ءىى كومپونەنتتى ەنگىزۋ ءۇشىن 9،5 ميلليون دوزا ۆاكتسينا. جالپى كۆي-عا قارسى ءبىرىنشى كومپونەنتپەن 8،2 ميلليوننان استام ادام ەگىلدى، ءتيىستى حالىقتى قامتۋ حالىق سانىنىڭ 71،9%-ىن نەمەسە 43،4%-ىن قۇرادى، ەكىنشى كومپونەنتپەن 7،4 ميلليونعا جۋىق ادام ەگىلدى، ءتيىستى حالىقتىڭ 64،6%-ىن نەمەسە حالىق سانىنىڭ 39%-ىن قامتىدى»، دەپ تۇيىندەدى پرەمەر-ءمينيستردىڭ ورىنباسارى.

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار