بۇل جولى وپەرانىڭ مۋزىكاسى قايتا رەداكتسيالانىپ, جاڭا اكۋستيكالىق, كومپيۋتەرلىك, جارىق بەرۋ تەحنولوگياسى قولدانىلدى. قويىلىم – حورەوگرافيا تۇجىرىمداماسى مەن كەيىپكەرلەردىڭ ويناۋ, سويلەۋ, ءان ايتۋ تاسىلدەرى ارقىلى قازاقتىڭ ءداستۇرلى ونەرىنىڭ باسىمدىعىمەن ەرەكشەلەنەدى.
قازاق ونەرىنىڭ التىن قورىنا ەنگەن 2 اكتىلى 4 كورىنىستى وپەراعا جاڭا ءتاسىل ەنگىزۋ ءۇشىن رەسەيلىك رەجيسسەر ميحايل پاندجاۆيدزە شاقىرىلىپ وتىر.
ساحنادا ايكەرىم شارىپبەك جىبەكتىڭ پارتياسىن ورىنداپ, تىڭدارماندارعا نازىكتىك, سابىرلىلىق, بيازىلىق سەزىمدەرىنىڭ شىنايىلىعىن جەتكىزدى. ال تولەگەننىڭ وبرازىن ءمادىحان دۋيسەەۆ سومداپ شىقتى.
وپەرانى تاماشالاۋعا كەلگەن كورەرمەن زالعا تولى بولدى. مادەني كەشتەن رۋحاني ازىق العان كوپشىلىك ەرەكشە اسەر العاندارىن جاسىرماي, ريزاشىلىقتارىن بىلدىرۋدە.
