«2021 جىلعى ءىىى توقساندا ءبىر قىزمەتكەردىڭ ورتاشا ايلىق اتاۋلى جالاقىسى 243 667 تەڭگەنى قۇرادى. اتاۋلى جالاقى يندەكسى 2020 جىلدىڭ ءتيىستى توقسانىنا 119,3%, ال ناقتى جالاقى يندەكسى 109,8% قۇرادى», دەلىنگەن ستاتيستيكالىق مالىمەتتە.
ەڭ ۇلكەن اتاۋلى جالاقى تىركەلدى:
- تاۋ-كەن ءوندىرۋ ونەركاسىبى جانە كارەرلەردى قازۋ سالاسىندا تىركەلدى – 501,0 مىڭ تەڭگە (ورتاشا رەسپۋبليكالىق دەڭگەيدەن 2,1 ەسە جوعارى);
- قارجى جانە ساقتاندىرۋ قىزمەتىندە – 452,8 مىڭ تەڭگە (1,9 ەسەگە جوعارى);
- كاسىبي, عىلىمي جانە تەحنيكالىق قىزمەتتە – 369,5 مىڭ تەڭگە (1,5 ەسەگە جوعارى);
- اقپارات جانە بايلانىس سالاسىندا – 331,1 مىڭ تەڭگە (1,4 ەسەگە جوعارى).
ال ەڭ تومەنگى اتاۋلى جالاقى تىركەلدى:
- سۋمەن جابدىقتاۋ; قالدىقتاردى جيناۋ, وڭدەۋ جانە جويۋ, لاستانۋدى جويۋ قىزمەتكەرلەرىندە - 154,9 مىڭ تەڭگە;
- اۋىل, ورمان جانە بالىق شارۋاشىلىعى سالاسىندا – 167,5 مىڭ تەڭگە.
وڭىرلەر بويىنشا ەڭ جوعارعى ورتاشا ەڭبەكاقى اتىراۋ وبلىسىندا بەلگىلەندى – 419,1 مىڭ تەڭگە, بۇل ورتاشا رەسپۋبليكالىق كورسەتكىشتەن شامامەن 1,7 ەسە جوعارى.
تۇركىستان وبلىسىندا مۇنىڭ شاماسى 181,1 مىڭ تەڭگەنى قۇرادى, بۇل ەل بويىنشا ورتاشا دەڭگەيدەن 25,7% تومەن.
ايتا كەتەيىك, حالىقارالىق ستاندارتتارعا سايكەس ءبىر قىزمەتكەردىڭ ورتاشا ايلىق اتاۋلى جالاقىسى قوسىمشا اقىلاردى, ۇستەمەاقىلاردى, سىياقىلاردى, سونداي-اق سالىقتاردان باسقا دا ۇستالىمداردى (تابىس سالىعى, مىندەتتى زەينەتاقى جارنالارىن) ەسەپكە الا وتىرىپ قالىپتاستىرىلادى.
