ءىس-شارا بارىسىندا تاۋەكەل توپتارمەن جۇمىس ىستەۋ ەرەكشەلىكتەرى, ۇەۇ مەملەكەتتىك قارجىلاندىرۋ تەتىكتەرى, قوعامدىق كەلىسىمدى قامتاماسىز ەتۋ, سونداي-اق حالىقپەن كوممۋنيكاتسيا سۇراقتارى اڭگىمەگە ارقاۋ بولدى.
سەميناردىڭ سپيكەرلەرى قر اقدم ازاماتتىق قوعام ىستەرى كوميتەتىنىڭ, ازاماتتىق باستامالاردى قولداۋ ورتالىعىنىڭ, قولدانبالى ەتنوساياسي زەرتتەۋلەر ينستيتۋتىنىڭ, Red Point ماركەتينگتىك كوممۋنيكاتسيالار قىزمەتىنىڭ كاسىبي ساراپشىلارى مەن ترەنەرلەرى مەرۋەرت جۇنۇبەك, جاسۇلان بيسەمبيەۆ, توعجان زەيدەنوۆا, دۋلات وتەعالي, اسەل قوجاقوۆا بولعانىن ايتا كەتكەن ءجون.
قاتىسۋشىلار مەملەكەتتىك ورگاندار قىزمەتكەرلەرىنىڭ پراكتيكالىق داعدىلارىن ودان ءارى جەتىلدىرۋدەگى سەميناردىڭ وزەكتىلىگىن اتاپ ءوتتى.
«سەميناردا داعدارىس جاعدايىندا ءوزىڭدى قالاي ۇستاۋ, ءتيىمدى شەشىمدەر قابىلداۋ, جاعدايدى تالقىلاۋ تۋرالى پايدالى, قاجەتتى ويلار ايتىلدى», - دەپ اتاپ ءوتتى سەمينارعا قاتىسۋشىلاردىڭ ءبىرى, اقمولا وبلىسى ىشكى ساياسات باسقارماسىنىڭ ساياسي جۇمىس جانە قوعامدىق دامۋ ءبولىمىنىڭ باسشىسى اسەم ازىرباەۆا.
ونلاين-سەميناردى قر اقپارات جانە قوعامدىق دامۋ مينيسترلىگىنىڭ ازاماتتىق قوعام ىستەرى كوميتەتى ۇيىمداستىردى.
